Açiq mənbələrdən foto.
ABŞ və Avropa İttifaqı müharibə şəraitində enerji bazarlarında sabitliyin pozulmasına imkan verməyəcəklər
Vaşinqton /05.04.23/Turan: Bayden administrasiyası bu qış enerji asılılığının aradan qaldırılması üzrə Avropanın "nailiyyətini" yüksək qiymətləndirərək bu istiqamətdə birgə səyləri davam etdirməyə çağırıb.
"Biz bununla arxayın olmamalıyıq”, - Dövlət Departamentinin Brüssel Media Mərkəzində keçirilən brifinqdə ABŞ-ın energetika nazirinin müavini Devid Törk Turan-ın sualını cavablandırarkən deyib.
Onun şərhləri çərşənbə axşamı ABŞ və Avropa İttifaqının enerjidən silah kimi istifadə etmək və qlobal enerji bazarlarında sabitliyi pozmaq cəhdlərinə "qarşı dayanmaq" niyyətini təsdiqləməsindən sonra səslənib.
"Hər iki tərəf qlobal enerji bazarında sabitlliyin pozulması və sanksiyalardan yayınmaq cəhdlərinə qarşı birbaşa müqavimət göstərməyə qətiyyətlə sadiq olduqlarını təsdiqləyiblər", - ABŞ və Avropa İttifaqının birgə bəyanatında deyilir.
ABŞ və Avropa İttifaqının Brüsseldəki Energetika Şurası digər məsələlərlə yanaşı, Ukrayna və Moldovanın enerji təhlükəsizliyinin möhkəmləndirilməsi yollarını da müzakirə edib. Ukrayna və Moldovanın elektrik şəbəkələrinin Avropa İttifaqı ilə uğurlu sinxronlaşdırılmasından sonra Ukraynanın dəstəklənməsi, bərpası və yenidən qurulması, eləcə də Moldovanın dəstəklənməsi tədbirləri davam etdiriləcək. 0
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz