"Abzas Media"nın redaksiyası Berlində yerləşəcək
"Abzas Media" internet nəşrinin yeni redaksiyası Berlində yerləşəcək. Bu barədə Turan-a baş redaktor Leyla Mustafayeva bildirib.
"Biz "ehtiyatlı jurnalistika" ilə məşğul olmaq istəmirik. Nəşrlər Azərbaycanda bağlanan saytımızda yerləşdiriləcək. Berlində iş artıq yoluna qoyulub. Biz müxtəlif ölkələrdəki əməkdaşlarımızla birlikdə məsafədən fəaliyyəti davam etdirəcəyik", deyə Mustafayeva qeyd edib.
Onun sözlərinə görə, Abzas Media-nın nəşrləri eyni zamanda 15 xarici mətbuatda dərc olunacaq.
Xatırladaq ki, Azərbaycanda noyabr-yanvar aylarında Abzas Media-nın altı jurnalisti və mətbuat işçisi həbs olunub. Onlar "qaçaqmalçılıqda" ittiham olunurlar.
Azərbaycanda fəaliyyət qeyri-mümkün olduğu üçün dünən nəşrin rəhbərliyi həmkarlarından işi xaricdən davam etdirməyi xahiş edib. Rəhbərlik Leyla Mustafayevaya həvalə edilib.
Siyasət
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
-
İyulun 17-18-də Bakıda Korsika, Melaneziya, Polineziya, Karib və Antil adaları qrupundan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə birinci qurultayı keçiriləcək. Qurultayı Qvadelupanın azadlığı naminə Xalq Birliyi və Bakı Təşəbbüs Qrupu təşkil edib. .
-
Prezident İlham Əliyev "Respublika Qan Bankı" publik hüquqi şəxsin yaradılması haqqında fərman imzalayıb.
-
Dövlət başçısının sərəncamı ilə Eyvaz Qurbanov Oğuz rayonunun icra başçısı vəzifəsindən azad edilib.
Rəy yaz