1 saylı Bakı İstintaq Təcridxanasında saxlanılan jurnalistlər saxlanma şəraitilə bağlı narazılıq edirlər. Martın 19-da Bakı Apellyasiya Məhkəməsində keçirilən prosesdə "Abzas Media"nın baş redaktoru Sevinc Vaqifqızı (Abbasova) bu barədə danışıb. Məhkəmə jurnalistin 4 aylıq həbs müddətinin daha 3 ay uzadılmasından verilən apellyasiya şikayətini təmin etməyib.
Vəkil Elçin Sadıqov özünün "Facebook" hesabında yazıb ki, Sevinc Vaqifqızının məhkəmədə çıxış edərək Bakı İstintaq Təcridxanasında saxlanma şəraitinin acınacaqlı olduğunu bildirib: "Saxlanıldığım kamerada vəziyyət acınacaqlıdır. İstilik demək olar ki, yoxdur. Kameradakı istilik sistemi partlayıb, kamera suyun içindədir" - S.Vaqifqızı məhkəmədə belə deyib.
“Abzas Media işi" üzrə həbs olunan və eyni təcridxanada saxlanılan Nərgiz Absalamovanın isə gözünə infeksiya düşüb.
“Nərgizin gözünə infeksiya düşüb, özü də soyuqlayıb. Görünür, immuniteti zəifləyib. Həkim dərman yazıb, sistem qoyurlar" - vəkil Şəhla Hümbətova özünün "Facebook" hesabında yazıb.
Uzun müddətdir ki, bu istintaq təcridxanasında saxlanılan bir çox ictimai-siyasi fəal və jurnalist saxlanma şəraitinin acınacaqlı olması ilə bağlı narazılıq edirlər. Onlar isti suyun belə fasilələrlə verildiyini bildirirlər.
Ombudsman Səbinə Əliyevanın illik məruzəsində qeyd olunur ki, istintaq təcridxanası 2500 nəfər üçün nəzərdə tutulsa da, təcridxanada limitdən artıq şəxs saxlanılır.
Penitensiar Xidmətindən Sevinc Vaqifqızının sözləri təkzib olunub. Turana bildirilib ki, Bakı İstintaq Təcridxanasındakı mərkəzləşdirilmiş istilik sistemidi mövcuddur və o tam işlək vəziyyətdədir.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz