![ADQMŞ 2015-ci ildə mübarizənin mühüm istiqamətlərini açıqlayıb](https://turan.az/resized/750/500/resize/media/2015/main/012400104086.jpg)
ADQMŞ 2015-ci ildə mübarizənin mühüm istiqamətlərini açıqlayıb
Azərbaycan Demokratik Qüvvələrin Milli Şurasının (ADQMŞ) şənbə günü keçirilən sessiyasında 2015-ci il üçün fəaliyyət planı təsdiqlənib.
Plan 15 bənddən ibarətdir və konstitusiya prinsiplərinin həyata keçirilməsini, siyasi məhbuslar probleminin həllini, seçki prosesinin təkmilləşdirilməsini, Azərbaycan xalqının hakimiyyəti formalaşdırmaq hüququnun təminatını, avtoritar tendensiyaların qarşısının alınmasını nəzərdə tutur.
ADQMŞ-nin sədri, professor Cəmil Həsənli ölkədəki vəziyyəti xarakterizə edərkən ötən ilin nəticələrinə və ölkənin bu il üzləşdiyi çağırışlara əsaslanaraq onu “kritik” adlandırıb.
“Ötən il biz vətəndaş cəmiyyətinə qarşı görünməmuş təzyiqlərin, qeyri-hökumət təşkilatları nümayəndələrinin və jurnalistlərin həbsinin, siyasi opponentlərin təqib olunmasının, insan hüquq və azadlıqlarının geniş miqyasda pozulmasının şahidi olduq”, - o vurğulayıb.
C.Həsənli qeyd edib ki, hakimiyyətin yalnış, volyuntarist siyasəti səbəbindən Azərbaycanın üzləşdiyi sosial-iqtisadi böhran şəraitində demokratik qüvvələrdən ölkənin gələcək inkişafı üçün yeni platformanın yaradılmasından ötrü bütün resursların maksimum səfərbər edilməsi tələb olunur.
Azərbaycan Xalq Cəbhəsi Partiyasının sədri Əli Kərimlinin fikrincə, rejim demokratik qüvvələrin dağıdılması və Azərbaycanda azadfikirliliyin məhv edilməsi cəhdində gücsüz olduğunu göstərdi. “Azadlıq” qəzetinin həbsdə olan əməkdaşı Seymur Həzinin yerinə bu gün 15 gənc iddia edir. Onlar bu nəşrdə məqalələrlə çıxış ediblər”, - o, nümunə olaraq göstərib.
Bu ilin gündəliyinə daxil olan əsas məsələlər kimi parlament seçkiləri, Azərbaycanın Avroatlantika məkanına inteqrasiyası yolunda maneələrin aradan qaldırılması göstərilib.
Bugünkü sessiyada nizamnaməyə uyğun olaraq Cəmil Həsənli yenidən sədr postuna seçilib. Həmçinin ADQMŞ-nin 21 üzvündən ibarət Koordinasiya Şurasının tərkibi təsdiqlənib.
ADQMŞ 2013-cü ilin iyununda Azərbaycanda demokratiyanın bərqərarı məqsədilə yaradılıb.--
-
- Cəmiyyət
- 24 Yanvar 2015 13:32
-
- İqtisadiyyat
- 25 Yanvar 2015 22:22
Siyasət
-
İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb.
-
Çərşənbə günü xarici işlər naziri Ceyhun Bayramov ATƏT-in Demokratik Təsisatlar və İnsan Haqları Bürosunun Seçkiləri Müşahidə Missiyasının rəhbəri Ditmir Buşatini qəbul edib.
-
Milli Məclisin sabiq deputatı Hüseyn Abdullayevin cinayət işi üzrə ibtidai istintaq başa çatıb.
-
“Məhbusları çarmıxa çəkib döyür, dəhlizlərdəki "reşotka"lardan asırlar“- “Abzas Media” nəşrinin direktoru Ülvi Həsənli 6 ayda təcridxanada gördüklərindən yazır.
Значит ли ликвидация Исмаила Хании начало большой войны против Израиля? - беседа с Аркадием Дубновым
Xəbər lenti
-
- Cəmiyyət,
- 14:37
- 355
Rəy yaz