Açiq mənbələrdən foto.
Bakı/28.12.21/Turan: Dekabrın 28-də Azərbaycan Demokratiya və Rifah (ADR) Partiyası Ali Məclisinin 2-ci sessiyası keçirilib. Bu barədə partiyanın yaydığı məlumatda deyilir.
Ali Məclis partiyann təşkilatı məsələlərini həll edib. Belə ki, Ədalət Yusub partiya sədrinin təşkilati məsələlər, Adil Qeybulla strategiyalar və siyasətlər, Samir Abbaslı demokratik təsisatlarla və ictimaiyyətlə əlaqələr, Əlövsət Talışxanlı Özəl institutlar və sahibkarlarla iş, Rüfət Muradlı türk dünyası ilə və diaspora ilə iş üzrə müavini təyin ediliblər. Məslin sədrin təqdimatını yekdillikdə təsdiq edib.
Ellada Məmmədli ADR Partiyasının İcra Aparatının sədri, Hüseyn Məlik, Rövşən Dəmirli, Rafiq Abdullalı, Kalam Hüseynov, Raziyyə Hacıyeva, Sədaqət Abasova və Rafik Məmmədov partiya sədrinin müşavirləri təyin olunublar.
Daha sonra partiya Ali Məclisinin Komissiyaları formalaşdırılıb. Əlövsət Sadiqli "Qarabağ", Firəddin Eyvazov (Əlioğlu) "Elm və Təhsil", Əlış Mehdi "Səhiyyə" komissiyasının sədri seçiliblər.
Məlumata görə, Ali Məclis üzvləri partiya sədri Qubad İbadoğlunun ictimai-siyasi vəziyyətə və sosial-iqtisadi duruma dair məruzəsini dinləyiblər. Daha sonra partiyanın 2022-ci il üçün Fəaliyyət Proqramı müzakirə olunaraq qəbul olunub.
Cari məsələlər zamanı Ali Məclis üzvləri Azərbaycan xalqına həmrəylik günü və Yeni il münasibətilə təbriklərini ünvanlayıblar.-05d-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz