![Afiyəddin Məmmədov məhkəmədə ona necə iftira atıldığını danışıb](https://turan.az/resized/news/2024/A1SQDKNcFgyk4Vmxflklneo8rOTePK84IsFuS9jB-750-500-resize.webp)
Afiyəddin Məmmədov məhkəmədə ona necə iftira atıldığını danışıb
Afiyəddin Məmmədov məhkəmədə ona necə iftira atıldığını danışıb
Çərşənbə axşamı Bakı Ağır Cinayətlər Məhkəməsində həmkarlar ittifaqı fəalı Afiyəddin Məmmədov ifadə verib və öz həbsini həmkarlar ittifaqı çərçivəsində fəaliyyəti ilə əlaqələndirib.
Məmmədov xatırladıb ki, 1 avqust 2023-cü il tarixində yemək çatdırılması sahəsində xidmət göstərən kuryerlərin Bakı Şəhər Baş Polis İdarəsinin binası qarşısında etiraz aksiyasından sonra üç həmkarlar ittifaqı fəalı həbs olunub.
Belə ki, avqustun 4-də Elvin Mustafayev, 11-də Ayxan İsrafilov həbs olunub. Məmmədov özü də avqustda inzibati həbsə məruz qalıb.
Cinayət işinə gəlincə, Məmmədov bildirib ki, 20 sentyabr 2023-cü il tarixində o, toya getmək üçün evdən çıxıb. Ona bir kişi və bir qadın yaxınlaşıb. Əlində bıçaq olan kişi onu yaxasından tutub. O, bıçağı vurub salmağa çalışıb, lakin əlini kəsib. Naməlum şəxs onun üzünə vurub, Məmmədovun burnu qanayıb və o, yıxılaraq belindən xəsarət alıb.
Məmmədova hücum edən kişi özünə bədən xəsarətləri yetirməyə çalışıb və iki dəqiqə sonra "təcili yardım" və polis gəlib.
Bu zaman həkimlər Məmmədova tibbi yardım göstərməyib. Onu 34-cü polis bölməsinə aparıblar. Burada ondan başqa şəxsə hücum etdiyini "etiraf etməyi" tələb ediblər. Bundan sonra onun əlinə qandal taxıblar, əllərinə stəkan və bıçaq veriblər, daha sonra bu əşyalardan barmaq izi götürüblər. Yalnız bundan sonra vəkili onun yanına buraxılıb.
Məhkəmə prosesi mayın 13-də davam edəcək.
* Məmmədov sentyabrın 20-də evinin yaxınlığında naməlum şəxsin hücumuna məruz qaldıqdan sonra saxlanılıb. Məmmədov hücum edən şəxsə bıçaq xəsarəti yetirməkdə ittiham olunub (CM-in 221.3 - xuliqanlıq, silahdan istifadə ilə törədildikdə) və 126.1 (sağlamlığa qəsdən ağır zərər vurma).
Sonradan ittihamlar sərtləşdirilib, ona qarşı 126.2.4-cü (ümumi təhlükəli yolla sağlamlığa qəsdən ağır zərər vurma) maddə ilə ittiham irəli sürülüb. Onu 11 ilədək həbs cəzası gözləyir.
Hüquq müdafiəçiləri Məmmədovu siyasi məhbus kimi tanıyıblar
-
- Siyasət
- 30 Aprel 2024 16:45
-
- İqtisadiyyat
- 30 Aprel 2024 16:59
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz