Açiq mənbələrdən foto.
Bakı/30.01.21/ Turan: Yanvarın 30-da Ağdam rayonunda Dağlıq Qarabağ münaqişəsi zonasında atəşkəsə nəzarət üzrə Rusiya-Türkiyə Birgə Monitorinq Mərkəzinin açılış mərasimi keçirilib. Mərasimdə Azərbaycanın müdafiə naziri Zakir Həsənov, Türkiyə müdafiə nazirinin müavini Yunus Emre Karaosmanoğlu və Rusiya müdafiə nazirinin müavini Aleksandr Fomin iştirak ediblər.
Mərkəzin Rusiyadan olan şəxsi heyətinə general-mayor Viktor Fedorenko, Türkiyədən olan şəxsi heyətə isə general-mayor Abdullah Katırcı rəhbərlik edəcək.
Azərbaycan Müdafiə Nazirliyinin məlumatına görə, Monitorinq Mərkəzinin ümumi sahəsi təxminən dörd hektar təşkil edir. Ərazidə 65 modul tipli xidməti otaq və yaşayış otağı var, onlar bütün zəruri avadanlıqlarla təchiz edilib.
Mərkəzdə brifinq zalı, 100 nəfərlik yeməkxana, tibb məntəqəsi, dərzi və mağaza var.
Türkiyə-Rusiya Birgə Monitorinq Mərkəzinin mühafizəsini Azərbaycan ordusu həyata keçirəcək. -0-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz