Torpaqların Azərbaycana verilməsinə kömək etməkdə təqsirləndirilən şəxslər girov müqabilində sərbəst buraxılıblar

Bakı/30.01.21/Turan: Tbilisidə Gürcüstanlı kartoqraflar İveri Melaşvili və Natalya İlyiçeva hər biri 20 min lari (təxminən 6060 ABŞ dolları) girov müqabilində Tbilisi şəhər məhkəməsində keçirilən proses müddətinə azadlığa buraxılıblar. Qərar yanvarın 28-də qərbul edilib. Kartoqraflar sərhədlərin demarkasiyası zamanı Gürcüstan torpaqlarının Azərbaycana verilməsini hazırlamaqda ittiham edirlər. Girov məbləği “Pozor” təşkilatının çağırışı ilə kartoqrafların tərəfdarları tərəfindən yığılıb.

2020-ci ildə İveri Melaşvili və Natalya İlyiçeva Azərbaycanla sərhədlərin müəyyən edilməsi zamanı yanlış miqyaslı xəritələrdən istifadəyə görə saxlanılıblar. 2020-ci il oktyabrın 8-də məhkəmə qərarı ilə ekspertlər iki ay müddətinə həbs ediliblər, dekabrın 1-də Tbilisi şəhər məhkəməsi həbs müddətini uzadıb. Yanvarın 21-də Gürcüstan Baş Prokurorluğu işin məhkəməyə göndərildiyini elan edib və kartoqrafların cinayəti “yüksək vəzifəli məmurların” tapşırığı ilə törətdiyini qeyd edib. Melaşvili cinayət işini absurd və siyasi motivli iş adlandırıb.

Ekspertiza müəyyən edib ki, təqsirləndirilən şəxslər 1970-80-ci illərdə dərc edilmiş xəritələri və onlarda əks olunmuş, “ölkəmizin tarixi maraqlarına, o cümlədən David Qareci ilə bağlı maraqlara zidd olan” sərhədləri rəhbər tutublar. Komissiyanın yanlış ildə buraxılmış və yanlış miqyaslı xəritələrdən istifadə etməsi səbəbindən 2007-ci ilə qədər razılaşdırılmış sərhəd hissələri 1937-1938-ci illərdə dərc edilmiş xəritəyə uyğun deyil. Ərazilərin sahəsi arasında fərq 3,5 min hektar təşkil edib, Gürcüstan bu əraziləri itirib, deyə Baş Prokurorluq bildirib.

Kartoqrafların işi ilə bağlı xalq müdafiəçisi Nino Lomjariya çıxış edib. O, İveri Melaşvili və Natalya İlyiçeva barəsində qətimkan tədbirinin dəyişdirilməsi haqqında qərarı dəstəkləyib.

Azərbaycan iki dövlət arasında sərhədin Sovet İttifaqı dağılarkən Azərbaycan və Gürcüstan SSR arasında mövcud olan inzibati sərhəd xəttindən keçməli olduğuna əsaslanaraq, Gürcüstanın Keşikçi Dağ (David Qareci) monastırı və onun ərazisi ilə bağlı iddialarını qəbul etmir.

Professor David Darçiaşvili hesab edir ki, kartoqrafları mühakimə etmək niyyətinin arxasında məhkəmə prosesindən əvvəlki M.Saakaşvili hakimiyyətinin siyasi ittihamlara məruz qoyulması üçün istifadə etmək istəyən milyarder Bidzina İvanişvili dayanır.

“İnsanları həbs etmək və bu xəritələri sonuna qədər tədqiq etmədən ilkin həbs müddətini uzatmaq nəyə lazımdır? Hakim partiyanın istifadə etdiyi əsas niyyət və siyasi motiv məhz bundadır. Onlar insanlara təzyiq etmək, o həddə çatdırmaqdır ki, onlar hakim partiyanın əvvəl hakimiyyətdə olan digər qüvvənin nümayəndələri haqqında istədiyini desinlər”, deyə o, “Exo Kavkaza”ya bildirib. -0-