![Aİ Azərbaycan qazından imtina etsə şirkətlər cərimə ödəməli olacaq - İ.Əliyev](https://turan.az/resized/news/2024/EcxlY3Gah467DAtoc1pvLdVhAhuZRKeIRZKdubi7-750-500-resize.webp)
Aİ Azərbaycan qazından imtina etsə şirkətlər cərimə ödəməli olacaq - İ.Əliyev
Aİ Azərbaycan qazından imtina etsə şirkətlər cərimə ödəməli olacaq - İ.Əliyev
Bakı/11.10.24/Turan: Qarabağda antiterror əməliyyatlarından sonra Azərbaycan və Fransa arasında münasibətlər "mahiyyətcə dayandırılıb", bu barədə İlham Əliyev yerli telekanallara müsahibəsində bildirib.
Onun sözlərinə görə, "Fransa artıq açıq şəkildə anti-Azərbaycan fəaliyyəti aparmağa başlayıb". Xüsusən, o, BMT TŞ-nin qətnaməsinin və Azərbaycana qarşı sanksiyaların qəbul edilməsi cəhdlərini yada salıb. "Zənnimcə, ən azı 5 dəfə bu cür cəhdlər edildi və onların hamısı tam uğursuzluqla nəticələndi", deyə Əliyev qeyd edib.
O, həmçinin bildirib ki, Avropa İttifaqı Fransaya "qoşulmayıb", baxmayaraq ki, "Avropa İttifaqı diplomatiyasının rəhbəri, təəssüf ki, Fransanın Azərbaycana qarşı siyasətinə dəstək verənlərin arasında yer alıb".
Əliyev həmçinin Avropada Azərbaycan qazına olan tələbatın artdığını qeyd edib. Artıq altı Aİ ölkəsi Azərbaycandan qaz alır və onların sayı artacaq.
Qarabağda sentyabr əməliyyatından sonra Avropa Parlamentinin sədri də daxil olmaqla, bəziləri bəyan ediblər ki, Azərbaycanla qaz əməkdaşlığı dayandırılmalıdır.
"Əgər hər hansı bir səbəbə görə bu mövqe üstünlük təşkil etsə, onda, sadəcə olaraq, bizimlə uzunmüddətli kontraktlar imzalayan şirkətlər 100 milyonlarla, bəlkə də milyardlarla avro dəyərində cərimələr ödəməli olacaqlar. Ona görə belə cəfəng açıqlamalar verən məsul şəxslər daha diqqətli olmalıdırlar", deyə Əliyev qeyd edib.
"Bizimlə hədə-qorxu dili ilə, yaxud da təkəbbürlə davranmaq mümkün deyil", deyən Əliyev Bakının Qərblə münasibətlərdə siyasi xəttini dəyişdirməyəcəyinə eyham edib. 06В
-
- Siyasət
- 11 Yanvar 2024 12:13
-
- İqtisadiyyat
- 11 Yanvar 2024 12:32
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz