Fransa Azərbaycan əleyhinə aparıcı rol oynayır - İ.Əliyev
Fransa Azərbaycan əleyhinə aparıcı rol oynayır - İ.Əliyev
Bakı/11.01.24/Turan: Dünyada bəzi qüvvələr Azərbaycanın İkinci Qarabağ müharibəsində qələbəsini həzm edə bilmir. Bu qüvvələr tərəfindən Azərbaycana qarşı təzyiq və mənfi münasibət davam edir və bunda Fransa aparıcı rol oynayır. Bu barədə Azərbaycan prezidenti İlham Əliyev yanvarın 10-da yerli telekanallara müsahibəsində bildirib.
"Bu gün Ermənistanı silahlandıran, onlara ürək-dirək verən, onların hərbçilərini hazırlayan və növbəti müharibəyə hazırlayan ölkə Fransadır. Ona görə mən deyəndə ki, Fransanın siyasəti Qafqazda gərginliyin artmasına səbəb olur, məhz bunu nəzərdə tuturdum", deyə Əliyev bildirib.
Onun sözlərinə görə, bütün bunlar Ermənistanda "yersiz illüziyalar yarana bilər ki, nə vaxtsa onlar Qarabağı yenidən bizdən qopara bilərlər. Belə fikirlər onların cəmiyyətində dolaşır, o cümlədən rəhbər qruplaşma daxilində də belə fikirlər var", deyə Əliyev qeyd edib.
Ona görə Azərbaycan sakitləşməməlidir və sakitləşməyəcək. Yeni silahlar alınır. Hərbi-sənaye kompleksinə 2024-cü ildə 1 milyard manat investisiya qoyulacaq və hərbi quruculuq prosesi davam edəcək.
"Əgər bizə qarşı hər hansı bir təhlükə mənbəyi olsa, biz dərhal o təhlükə mənbəyini məhv edəcəyik", deyə Əliyev bildirib. 0
Siyasət
-
Ukrayna Prezidenti Volodimir Zelenski mayın 21-də Azərbaycan Respublikasının Prezidenti İlham Əliyevə zəng edib.
-
Azərbaycanın müdafiə naziri Zakir Həsənov Türkiyə Silahlı Qüvvələrinin Quru Qoşunlarının komandanı Səlcuq Bayraktaroğlunun rəhbərlik etdiyi nümayəndə heyəti ilə görüşüb.
-
Azərbaycan Xalq Cəbhəsi Partiyasının yerli fəalı İmran Qurbanov Naxçıvan Muxtar Respublikasının Şərur rayonunda saxlanılıb. Bu barədə Turan-a Azərbaycan Xalq Cəbhəsi Partiyası Naxçıvan regional sədri Yaşar Bağırsoy bildirib.
-
Mayın 21-də Azərbaycanın xarici işlər naziri Ceyhun Bayramov və İranın xarici işlər naziri vəzifəsini icra edə Əli Bağeri Kani telefonla danışıblar.
Rəy yaz