Aİ Azərbaycanda demokratik islahatları təşviq etmək üçün layihələr qəbul edir

Aİ-nin Azərbaycan nümayəndəliyi demokratik islahatlara yardım sahəsində layihələrin maliyyələşdirilməsi ilə bağlı təkliflərin qəbulunu elan edir.

Təkliflər 2013ci il üzrə Avropa İnsan Hüquqları və Demokratiya Aləti və Qonşuluqda Vətəndaş Cəmiyyəti Mexanizmi çərçivəsində qəbul edilir.

Təkliflərin dəstəklənməsinin məqsədi Azərbaycanda insan hüquqları və demokratik islahatların təşviq olunmasında, eləcə də vətəndaş iştirakı və təmsilçiliyin artırılmasında vətəndaş cəmiyyətinin rolunu gücləndirməkdir.

Təkliflər iki lotda qəbul edilir.

1-ci Lotda məqsəd əsas insan hüquqlarına və fundamental azadlıqlara riayət edilməsi ilə bağlı vəziyyəti yaxşılaşdırmaqdır. 2-ci Lotda məqsəd isə ədliyyə və qanunun aliliyinin təşviqində vətəndaş cəmiyyətinin rolunu gücləndirməkdir.

Bu sahələrdə layihələrin dəstəklənməsi üçün ayrılmış vəsaitin ümumi məbləği 2 900 000 avro təşkil edir.

Müraciətlərin təqdim edilməsi üçün son müddət 24 fevral 2014 il tarixidir.

Müraciətlərin verilməsi qaydalarının bütün təfərrüatlarını Aİ Nümayəndəliyinin internet səhifəsində (19/12/2013 tarixli) xəbərlər bölməsindən əldə etmək olar:

http://eeas.europa.eu/delegations/azerbaijan/press_corner/all_news/news/2013/2013eidhr_and_csf_call_en. -06D-