![Aİ Azərbaycanla aviasiya əlaqələrini intensivləşdirmək istəyir](https://turan.az/resized/750/500/resize/media/2012/main/092900012994.jpg)
Aİ Azərbaycanla aviasiya əlaqələrini intensivləşdirmək istəyir
Avropa Komissiyası təzəlikcə “Avropa İttifaqının aviasiya siyasəti” adlı sənəd qəbul edib. Bu, yeni sürətlə inkişaf edən bazarlara çıxış əldə edilməsini, qeyri-sağlam rəqabətə qarşı mübarizə üzrə yeni alətlərin işlənib hazırlanmasını və investisiyaların stimullaşdırılması üçün normativ şərait yaradılmasını nəzərdə tutan böyük təkliflər paketidir.
Paketin əsas elementlərindən biri 2015-ci ilə qədər qonşu ölkələr – Azərbaycan, Ukrayna, Türkiyə, Tunis və Misirlə aviasiya sazişlərinin imzalanmasıdır.
“Aİ aviasiya bazarlarının inteqrasiyası məqsədilə ümumi aviasiya məkanı yaratmağı nəzərdə tutur. Bu, istehlakçılar və operatorlar üçün yeni imkanlar yaradacaq və uçuşların təhlükəsizliyi və idarə olunması standartlarını yüksəldəcək.
Ümid edirəm ki, bəzi digər tərəfdaşlar kimi, Azərbaycan da yaxın zamanlarda danışıqlara başlamağa hazır olacaq”, deyə Avropa İttifaqının Azərbaycandakı səfiri Roland Kobia bildirib. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz