AI sədri Ermənistan və Azərbaycanı keçmişin əsiri olmamağa çağırıb
Əgər Qafqazda gərginlik saxlanılsa, "Şərq tərəfdaşlığı" proqramı uğursuz olacaq. Bu barədə Ermənistan Milli Məclisində 4 iyulda çıxışı zamanı Avropa İttifaqı Şurasının sədri Herman van Pompey bildirib.
Onun sözlərinə görə, iyunun əvvəlində münaqişə zonasındakı insidentlər faciədir və onların qarşısının alınması üçün tədbirlər görülməlidir.
Aİ başçısı Qarabağ münaqişəsi tərəflərini ATƏT-in Minsk Qrupunun həmsədri olan ölkələrin liderlərinin atəşkəs rejiminə uymaq çağırışına əməl etməyə çağırıb. Pompey qeyd edib ki, tərəflər "ritorikadan əl çəkməli" və “keçmişin əsiri” olmamalıdırlar.
O həmçinin əlavə edib ki, Brüssel ATƏT MQ çərçivəsində münaqişənin tənzimlənməsi prosesinə kömək etməyə hazırdır.
Bunun üçün rıçaqlardan biri "Şərq tərəfdaşlığı" proqramıdır. Ukrayna, Belarus, Moldova və Gürcüstandan başqa Azərbaycan və Ermənistan da onun üzvüdür. Pompeyin fikrincə, "Şərq tərəfdaşlığı" proqramı arzu edilən nəticəni verməz, regionda vəziyyət gərgin olaraq qalar, müharibə təhdidi saxlanılar.
Aİ prezidenti öz çıxışında Ermənistan-Türkiyə münasibətlərinin normallaşmasına da toxunub. O, bəyan edib ki, Yerevanla Ankara arasında dialoq qeyd-şərtsiz aparılmalıdır. -02D-
-
- İqtisadiyyat
- 4 İyul 2012 16:02
-
- Cəmiyyət
- 4 İyul 2012 17:09
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz