![AİHM Azərbaycandan daha 15 şikayət üzrə kommunikasiyaya başlayıb](https://turan.az/resized/media/2013/main/091800050150-750-500-resize.webp)
AİHM Azərbaycandan daha 15 şikayət üzrə kommunikasiyaya başlayıb
Avropa İnsan Hüquqları Məhkəməsi (AİHM) 2010-cu il parlament seçkiləri ilə bağlı daha 15 şikayət üzrə Azərbaycan hökuməti ilə kommunikasiyaya başlayıb.
Xüsusən söhbət İltizam Əkbərli, Möhübbət Cabbarov, Vahid Cəfərov, Qaya Əliyev, Əmirulla Dadaşzadə, Şakir Məmmədov, Fuad Əliyev, Tural Abbaslı, Oqtay Tahirov, Yeganə Hacıyeva, Razi Abbasov, Əlaif Həsənov, Xəyyam Məmmədov, Elçin Behbudov və İntiqam Əliyevin şikayətləri üzrə işlərdən gedir.
Azərbaycan hökuməti Strasburq məhkəməsinin qoyduğu sualları 20 yanvar 2014-cü ilə qədər cavablandırmalıdır.
Hüquqi Maarifləndirmə Cəmiyyətinin rəhbəri İntiqam Əliyevin Turan-a verdiyi məlumata görə, bütün şikayətlər qeydiyyatdan əsassız imtina ilə bağlıdır.
Ərizəçilər arasında seçkilərdən əvvəl yaradılmış AXCP-Müsavat, “İslahat”, “Qarabağ” seçki bloklarının nümayəndələri, vətəndaş cəmiyyətinin bitərəf fəalları və başqaları var.
Bir müddət əvvəl AİHM 2010-cu il parlament seçkiləri ilə bağlı daha 16 iş üzrə kommunikasiyaya başlayıb.
İntiqam Əliyevin sözlərinə görə, 2010-cu il seçkiləri ilə bağlı AİHM-yə 120-dən çox şikayət göndərilib.
Bu şikayətlər deputatlığa namizədlərin qeydiyyatından qanunsuz imtina, qeydiyyatın ləğvi, seçkilərin saxtalaşdırılması, hakimiyyət orqanlarının seçki prosesinə qanunsuz müdaxiləsi, inzibati resurslardan hakim partiya və ya onun nümayəndələrinin xeyrinə istifadə və məhkəmələrdə şikayətlərə ədalətsiz baxılması ilə bağlıdır.
İntiqam Əliyevin fikrincə, hökumətin Strasburq məhkəməsinin suallarına arqumentli cavablar tapması asan olmayacaq.
2005-ci il seçkiləri ilə bağlı məhkəmələrə 40-a yaxın şikayət göndərilib. AİHM 11 işə mahiyyəti üzrə baxıb və bütün hallarda vətəndaşların seçki hüquqlarının pozulmasını qəbul edib.
7 ərizəçinin işi hökumətin şikayətlərdə göstərilən pozuntuları birtərəfli bəyanatla tanıması əsasında baxılan işlərin siyahısından çıxarılıb.
AXCP Ali Məclisinin rəhbəri Həsən Kərimovun şikayəti üzrə yaxın günlərdə qərar elan ediləcək. -16D-
-
- İqtisadiyyat
- 18 Sentyabr 2013 15:40
-
- İqtisadiyyat
- 18 Sentyabr 2013 16:38
Siyasət
-
Avropa Şurasının prezidenti Şarl Mişel regionda gərginliyin artması fonunda Ermənistan və Azərbaycan arasında sülhün bərqərar olması üçün səyləri gücləndirir.
-
Müdafiə Nazirliyindən Turana bildirilib ki, iyulun 30-u xidmətdən kənar saatlarda Laçın rayonunda dörd hərbçi həlak olub. Kapitan Emnalıyev Asif, gizir Cəbrayılov Fərid, müddətdən artıq həqiqi hərbi xidmət hərbi qulluqçuları çavuş Səmədov Tural və çavuş Şahmarlı Emin Laçın rayonu ərazisində kükürd qazlı termal sularda çimərkən zəhərləniblər.
-
Çərşənbə axşamı ABŞ dövlət katibinin Avropa və Avrasiya üzrə köməkçisi Ceyms O'Brayen Senatın Xarici Əlaqələr Komitəsində çıxış edərkən Vaşinqtonun Azərbaycan və Ermənistana sülh müqaviləsi bağlamaqda kömək etmək səyləri və Rusiyanın bunu öz şərtləri əsasında həyata keçirmək cəhdləri barədə danışıb.
-
İyulun 31-də İranın yeni prezidenti Məsud Pezeşkian onun andiçmə mərasimi üçün Tehrana gələn Azərbaycanın Baş naziri Əli Əsədovu qəbul edib.
HƏMAS liderinin öldürülməsi nələrə səbəb ola bilər? – Zərdüşt Əlizadə Çətin sualda
Xəbər lenti
-
- Cəmiyyət,
- 14:37
- 192
Rəy yaz