AİHM Cabbar Savalanın hüquqlarının pozulduğunu etiraf edib
Sentyabrın 19-da Avropa İnsan Hüquqları Məhkəməsi (AİHM) 2012-ci ildə narkotik vasitələrin qanunsuz dövriyyəsində ittiham olunaraq həbs olunan müxalifətçi, Azərbaycan Xalq Cəbhəsi Partiyasının üzvü Cabbar Savalanın şikayəti üzrə yekun qərarını açıqlayıb.
O, narkotikin onun üzərinə qəsdən qoyulduğunu, ittihamın isə siyasi motivlərlə saxtalaşdırıldığını bildirib.
AİHM ərizəçinin bu iş üzrə tələblərini əsaslı hesab edib.
Müəyyən edilib ki, polis işi ərizəçinin saxlanılmasından bir gün sonra sənədləşdirib. Ərizəçinin üzərində axtarış saxlanıldıqdan dərhal sonra deyil, təxminən yarım saat sonra aparılıb.
Savalan vaxtında vəkillə təmin edilməyib.
AİHM Savalan barəsində Avropa Konvensiyasının 6.1-ci (ədalətli məhkəmə təhqiqatı hüququ) maddəsinin pozulduğu haqqında qərar qəbul edib. AİHM-nin qərarına əsasən, hökumət ərizəçiyə mənəvi ziyana görə təzminat olaraq və məhkəmə xərclərinin qarşılanması üçün 4500 avro ödəməlidir.
Siyasət
-
Şənbə axşamı Qroznı şəhərinin mərkəzində bir yanacaqdoldurma məntəqəsində qaz çənlərinin partlaması nəticəsində dörd nəfər ölüb.
-
Avropa İttifaqının iqlim fəaliyyəti üzrə komissarı Vopke Hukstra oktyabrın 10-11-də Bakı səfəri çərçivəsində COP29-dan öncəki son nazirlər görüşündə iştirak edib. COP29-a bir ay əvvəl qalmış Bakıda iqlim maliyyələşməsi, beynəlxalq karbon bazarları, Paris sazişinin 6-cı maddəsi, adaptasiya, nəticələrin yumşaldılması, şəffaf hesabat və COP28-in fosil yanacaqlardan keçidi sürətləndirmək öhdəliyinin yerinə yetirilməsi kimi mövzuları müzakirə etmək üçün mühüm imkan olub.
-
Human Rights Watch beynəlxalq insan hüquqları təşkilatı noyabrda Bakıda keçiriləcək COP29 iqlim sammitinin ev sahibliyi sazişinin nüsxəsini əldə edib. Saziş bu il avqustun 17 və 23-də Bonn və Bakıda imzalanıb, hələ ictimaiyyətə açıqlanmayıb. Təşkilatın yaydığı bəyanata görə, sazişdə iştirakçıların hüquqlarının qorunması ilə bağlı ciddi çatışmazlıqlar var.
-
Oktyabrın 12-də Müdafiə Nazirliyində xidməti müşavirə keçirilib.
Rəy yaz