Bakı/07.05.18/Turan: Avropa İnsan Hüquqları Məhkəməsi (AİHM) Reportyorların Azadlıq və Təhlükəsizlik İnstitutunun (RATİ) keçmiş rəhbəri Emin Hüseynovun Azərbaycan vətəndaşlığından məhrum edilməsi ilə bağlı şikayəti üzrə kommunikasiyaya başlayıb.
E.Hüseynov bəzi yerli və xarici QHT-lərə qarşı cinayət işi, onun ardınca tanınmış hüquq müdafiəçilərinin həbsilə əlaqədar əsassız təqiblərdən ehtiyat edərək 2014-cü ilin avqustunda İsveçrə (həmin vaxt ATƏT-in sədri olub) səfirliyində sığınacaq almağa məcbur olub.
10 ay ərzində səfirlikdə gizlənməli olub və bu müddətdə İsveçrə hakimiyyəti E.Hüseynova qarşı təqiblərin dayandırılması ilə bağlı danışıqlar aparıb.
E.Hüseynov 2015-ci ilin iyununda Avropa Oyunlarının açılış mərasimində iştirak etmək üçün Bakıya gəlmiş İsveçrə XİN rəhbərinin təyyarəsi ilə Azərbaycanı tərk edib. Getməzdən öncə vətəndaşlıqdan məhrum edilib.
O, AİHM-ə şikayətində qeyd edir ki, vətəndaşlıqdan imtina etməyə məcbur olub və bu zaman Avropa İnsan Hüquqları Konvensiyasının 8-ci (şəxsi və ailə həyatına hörmətlə yanaşmaq hüququ), 10 (fikrin ifadə edilməsi azadlığı), 13 (effektiv hüquqi müdafiə vasitəsi) və 18-ci (hüquqlarla bağlı məhdudiyyətlərdən istifadə həddi) maddələri pozulub.
AİHM Azərbaycan hökumətinə suallar göndərib.-06D--
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
Rəy yaz