Açiq mənbələrdən foto.
Bakı/06.04.23/Turan: Avropa Şurası 2022-ci il üçün Avropa İnsan Hüquqları Məhkəməsinin (AİHM) qərarlarının icrası haqqında hesabat yayıb.
AŞ mətbuat xidmətindən Turan-a daxil olan sənəddə deyilir ki, 2022-ci ildə AŞ Nazirlər Komitəsi AİHM-dən icrasına nəzarət üçün 49 iş qəbul edib.
2021-ci ildə belə işlərin sayı 46, 2020-ci ildə isə 51 olub.
31 dekabr 2022-ci il tarixinə olan məlumata görə, Azərbaycanda AİHM-nin 285 qərarı icrasını gözləyirdi.
Beləliklə, AİHM hökmlərinin icrasını gözləyənlərin sayı artır. Belə ki, 2021-ci ildə onların sayı 271, 2020-ci ildə isə 235 olub.
Yekunlaşmamış işlər arasında "Məmmədli Azərbaycana qarşı" qrupunun işi var. Bu işdə məşhur fəallar Anar Məmmədli, İntiqam Əliyev, Xədicə İsmayılova, Leyla Yunus, Arif Yunus, Qiyas İbrahimov və Bayram Məmmədova qarşı işlər birləşdirilib.
Azərbaycan hakimiyyəti indiyədək bu işlər üzrə hökmləri ləğv etməyib və ərizəçilərə bəraət verməyib.
Yeddi iş söz azadlığının pozulmasına, üçü ölüm və ya amansız rəftarın səmərəli araşdırılmamasına, iki iş sərbəst toplaşmaq və birləşmək azadlığının pozulmasına və bir iş əsassız deportasiyaya aid idi.
Bununla belə, Avropa Konvensiyasının 18-ci maddəsi üzrə bir iş bağlanıb, ərizəçilərə (fəallar Məmməd Əzizov və Şahin Novruzlu) qarşı ittiham hökmləri ləğv olunub.
Hakimiyyət AŞ NK-yə qərarların icrasına dair ümumilikdə 47 fəaliyyət planı, fəaliyyət haqqında hesabat və məlumat təqdim edib.
2022-ci ildə AİHM-nin təyin etdiyi ədalətli təzminatlar 38 halda tam ödənilib. Məhkəmənin müəyyən etdiyi müddətin başa çatmasına baxmayaraq, 45 iş üzrə ərizəçilər təzminatın tam ödənilməsini gözləyir. 06В
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz