Bakı/11.07.19/Turan: İyulun 11-də Avropa İnsan Hüquqları Məhkəməsi (AİHM) azad seçki hüququnun pozulması ilə bağlı üç nəfər Azərbaycan vətəndaşının şikayətini təmin edib.
İxtiyar Abdalov, İbrahim Əhmədzadə və Tariyel Şirinli 2010-cu ildə Bakı, İmişli və Sumqayıtda parlament seçkilərinə buraxılmamaları ilə bağlı şikayət etmişdilər.
Dairə seçki komissiyaları onları dəstəkləyən səhih seçici imzası yetərli olmadığından onların deputatlığa namizədliyini qeydiyyata almamışdı.
Həmin şəxslər bu qərarlardan məhkəməyə şikayət etmişdilər. Məhkəmə onların şikayətlərini təmin etsə də, həmin qərarlar səsvermədən bir neçə gün öncə qəbul edildiyinə görə onlar təşviqat kampaniyası apara bilməmişdilər. Şikayətçilər onların dairələrində seçkilərin vaxtının dəyişdirilməsinə təkid etsələr də, bu, baş tutmamışdı.
AİHM hər şikayətçiyə mənəvi zərərə görə 7500 avro məbləğində kompensasiya, məhkəmə xərclərinə görə isə T.Şirinli və İ.Əhmədzadəyə 2200 avro, İ.Abdalova 1400 avro ödənilməsi barədə qərar qəbul edib.-06D--
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz