![Akif Əlizadə AMEA-nın prezidenti seçilib](https://turan.az/resized/media/2013/main/042400035854-750-500-resize.webp)
Akif Əlizadə AMEA-nın prezidenti seçilib
Çərşənbə axşamı Milli Elmlər Akademiyasında (AMEA) növbədənkənar prezident seçkiləri keçirilib.
Səsvermədə AMEA-nın həqiqi üzvləri iştirak ediblər. Prezidentliyə yeganə namizəd akademik A.Əlizadə olub. A.Əlizadə akademiyanın həqiqi üzvlərinin əksərinin səsini alaraq AMEA prezidenti seçilib.
Akif Əlizadə 25 fevral 1934-cü ildə Bakıda anadan olub. Əslən Bakının Pirşağı kəndindəndir. Valideynləri Ağamehdi və Əfşan xanım Əlizadələrdir. Babası Ağa Əlizadə Bakı quberniyası Şiələr Məclisinin sədri, sonralar isə Azərbaycanın Şeyxülislamı kimi yüksək vəzifələr tutmuş ünlü din xadimi Axund ağa Əlizadədir.
A.Əlizadə Azərbaycan Sənaye İnstitutunu bitirib. 1957-ci ildə Azərbaycan Elmlər Akademiyasının Geologiya İnstitutuna işə qəbul edilib. 35 yaşında doktorluq müdafiə edib.
A.Əlizadənin rəhbəri olduğu Geologiya İnstitutu Azərbaycan elmi müəssisələri sırasında ən çox qrant qazanan liderdir. İnstitut “Soros”, “İNTAS”, “NATO”, “CRDF”, “KOPERNİCUS” kimi məşhur fondlar, Ukrayna Elmi Fondu, Amerika Milli Elmi Fondu ilə qarşılıqlı maraq əsasında fəaliyyət göstərir və işləyir.
A.Əlizadə Azərbaycanın əməkdar elm xadimi, dövlət mükafatı laureatıdır. 2004-cü ildə “Şöhrət”, 2008-ci ildə isə “Şərəf” ordeninə layiq görülüb. -05D-
-
- Cəmiyyət
- 24 Aprel 2013 18:06
-
- İqtisadiyyat
- 24 Aprel 2013 18:12
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz