![Akif Qurbanov Vatslav Havel mükafatına namizəddir](https://turan.az/resized/news/2024/VDc6oWsmBm8lK7a86hpiN2qwaJJBTHlneNSpZHHs-750-500-resize.webp)
Akif Qurbanov Vatslav Havel mükafatına namizəddir
Akif Qurbanov Vatslav Havel mükafatına namizəddir
Avqustun 27-də Avropada və onun hüdudlarından kənarda insan hüquqlarının müdafiəsinə vətəndaş cəmiyyətinin təsirinə görə verilən insan hüquqları sahəsində Vatslav Havel mükafatının seçim komissiyası 2024-cü ilin mükafatına namizədlərin siyahısını açıqlayıb.
İnsan hüquqlarının müdafiəsi sahəsində müstəqil xadimlərdən ibarət olan və Avropa Şurası Parlament Assambleyasının prezidenti Teodoros Rusopulosun rəhbərlik etdiyi komissiya Praqada görüşündə aşağıdakı üç nominantı - azərbaycanlı fəal Akif Qurbanovu, venesuelalı Mariya Korina Maçadonu və Gürcüstan nümayəndəsi Babutsu Patarayanı siyahıya daxil etmək qərarına gəlib.
Avropa Şurası Parlament Assambleyasının mətbuat xidmətinin məlumatında deyilir ki, Qurbanov hüquq müdafiəçisi, siyasi fəal və Azərbaycan vətəndaş cəmiyyətinin fəal üzvüdür. Demokratik Təşəbbüslər İnstitutunun və Üçüncü Respublika Platformasının həmtəsisçisidir. 2024-cü ilin martında ölkədə jurnalist və fəalların həbs dalğası zamanı Qurbanov həbs edilib.
Maria Korina Maçado Venesuelada insan hüquqlarını fəal şəkildə müdafiə edən görkəmli siyasi fiqurdur. Venesuela mülki və siyasi azadlıq, hüquq və vətəndaş iştirakı naminə "Sumate" könüllü vətəndaş təşkilatının həmtəsisçisidir.
Babutsa Pataraya Gürcüstanda aparıcı feminist fəal və insan Hüquqları üzrə vəkildir. 2013-cü ildən qadın hüquqları ilə məşğul olan və zorakılıq qurbanlarına dəstək verən "Sapari" qeyri-hökumət təşkilatının direktorudur. On ildən çoxdur ki, feminisid, qadınlara qarşı cinsi istismar və zorakılıqla mübarizə aparır.
2024-cü il Havel mükafatının qalibi sentyabrın 30-da Strasburqda Avropa Şurası Parlament Assambleyasının payız plenar sessiyasının açılışında elan ediləcək.
İnsan hüquqları sahəsində Vatslav Havel mükafatı hər il Avropa Şurası Parlament Assambleyası tərəfindən Vatslav Havel adına Kitabxana və “Xartiya 77” Fondu ilə tərəfdaşlıq şəraitində təqdim edilir. 60000 avro, kubok və diplomdan ibarətdir.
Mükafat 2013-cü ildən təqdim olunur. Azərbaycan təmsilçisi artıq 2014-cü ildə həmin mükafatın laureatı olub. Belə ki, mükafat həbsdə olan hüquq müdafiəçisi Anar Məmmədliyə (hazırda da həbsdədir) təqdim edilib.
-
- Siyasət
- 27 Avqust 2024 17:14
-
- İqtisadiyyat
- 27 Avqust 2024 17:42
Siyasət
-
Səhər saatlarından fəal və araşdırmaçı Cavid Ağa ilə əlaqə saxlamaq mümkün deyil. Sosial şəbəkələrdəki məlumata görə, Ağa təhsilini davam etdirmək üçün bu səhər saat 06:50-də Bakıdan xaricə getməliydi.
-
Avqustun 27-də Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə şahid Ramil Babayevin ifadələri dinlənilib.
-
Neftçala şəhərində Olimpiya İdman Kompleksinin administrasiyası deputatlığa namizəd Tənzilə Rüstəmxanlının seçicilərlə görüşünə “Meydan” TV müstəqil onlayn nəşrinin jurnalistlərini buraxmayıb.
-
Rusiya prezidenti Vladimir Putin Azərbaycan Respublikasının birinci vitse-prezidenti Mehriban Əliyevaya doğum günü münasibətilə təbrik məktubu göndərib.
AŞPA və Azərbaycan arasında “arzuolunmaz şəxslər” davası... – Fuad Həsənov Çətin sualda
Xəbər lenti
-
- Foto sessiyalar,
- 18:28
- 281
-
- Siyasət,
- 15:30
- 375
Rəy yaz