Alman Bundestaqının nümayəndə heyətinin səfəri

Alman Bundestaqının iqtisadi əməkdaşlıq üzrə komissiyasının sədri, Bundestaqın deputatı xanım  Daqmar Vöhrl və iqtisadiyyat və sənaye üzrə komissiyasının sədri  Peter Ramsauer Azərbaycanda səfərdədir.

Almaniyanın Bakıdakı səfirliyinin məlumatında deyilir ki, deputatlar Almaniya-Azərbaycan iqtisadi və inkişaf naminə əməkdaşlıq, energetika  sektoru,  Azərbaycanda alman  şirkətlərinin fəaliyyəti habelə təhsil sahəsində əməkdaşlıq haqqında məlumat əldə edirlər.

Onlar Gəncədə Almaniyanın  KfW bankı tərəfindən maliyyələşdirilən içməli su təminatı üçün qurğunun açılışında (layihənin birinci hissəsi) iştirak edəcəklər.

Bundan əlavə, qonaqlar Göygöldə keçmiş alman  məskənləri,  habelə sənaye mərkəzi olan  Sumqayıt ilə tanış olacaqlar.

Deputatlar Azərbaycanın bir çox hökumət üzvləri,  Milli Məclisin nümayəndələri ilə danışıqlar aparacaqlar, alman mədəniyyət mərkəzi olan “Kapellhaus”da olacaqlar. .—06D--