Almaniya Bundestaqının deputatları Azərbaycanda hüquq müdafiəçiləri ilə görüşüblər
Martın 1-də hüquq müdafiəçisi Rüfət Səfərov, vəkil Zibeydə Sadıqova və hüquqşünas Xalid Ağaliyev Bakıda səfərdə olan Almaniya Bundestaqının Hüquq Məsələləri Komitəsinin ayrı-ayrı fraksiyaları təmsil edən səkkiz deputatı ilə görüşüb.
Nümayəndə heyətinə Bundestaqın Hüquq Məsələləri Komitəsinin sədri Elisabeth Winkelmeier-Becker rəhbərlik edir.
Hüquq müdafiəçisi Rüfət Səfərov Turan-a bildirib ki, Almaniyanın Bakıdakı səfirliyində baş tutan görüşdə Azərbaycanda insan hüquqlarının mövcud durumu, repressiv mühit, siyasi ağırlıqlı inzibati və cinayət təqibləri, medianın, vətəndaş cəmiyyətinin, hüquq müdafiə təşkilatlarının vəziyyəti, xüsusilə, Almaniyadan deposrtasiya edilən, sonradan “saxta ittihamlar üzrə həbs edilən”, bəzi hallarda işgəncələrə məruz qalan müxalif fəalların işləri, inanclı şəxslərin kütləvi həbsi məsələləri ətrafında fikir mübadiləsi aparılıb.
Görüşdə həmçinin Almaniyanın Azərbaycandakı səfiri Ralf Horlemann, səfirin müşaviri Marcel Vietor iştirak edib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz