Almaniyanın insan haqları və humanitar məsələlər üzrə müvəkkili (ombudsman) Markus Löninq Müsavat Partiyasının başqanı İsa Qəmbərə məktub göndərib.
M. Löninq yanvarın 13-də Lənkəranda İ.Qəmbərə qarşı törədilən sui-qəsd cəhdi ilə bağlı Azərbaycanın Almaniyadakı səfirliyinə müraciət etdiyini bildirir. Səfir Pərviz Şahbazova ünvanlanan məktubda M.Löninq İ.Qəmbərə qarşı törədilən sui- qəsd cəhdi ilə bağlı açıqlama istəyib.
Almaniyalı ombudsman səfirdən hadisənin hərtərəfli araşdırılmasını xahiş edib. M.Löninq İ.Qəmbərin, eləcə də prezidentliyə namizəd olan digər şəxslərin təhlükəsizliyinin təminatına əmin olmaq istədiyini bildirib.
İ.Qəmbər M.Löninqə cavab məktubu göndərib. İ.Qəmbər Lənkəran səfərilə bağlı iqtidarın planlaşdırdığı təxribatlara dair İctimai Palatanın 2013-cü il yanvarın 24-də verdiyi bəyanatı (bəyanatın mətni əlavə olunur) da məktuba əlavə edib.-05D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz