Amerika səfiri iftar verib
İyulun 10-da ABŞ-ın Azərbaycandakı səfiri öz iqamətgahında iftar mərasimi təşkil edib.
Mərasimdə Qafqaz Müsəlmanları İdarəsi sədrinin müavini Hacı Salman Musayev, dini icmaların təmsilçiləri, Milli Məclisin deputatları, ictimaiyyət nümayəndələri iştirak ediblər.
ABŞ səfiri Riçard Morninqstar bildirib ki, Ramazan insanlara ibadət və etiqad barədə dərindən düşünmək fürsəti verir: “Azərbaycanda milyonlarla müsəlman dünyadakı müsəlmanlarla birgə bu mübarək bayramı qeyd edirlır. Ramazan ayı ehtiyacı olanların vəziyyətindən xəbərdar olmaq zamanıdır. Dünyanın hər guşəsində yaşayan müsəlmanlar imkansızlara əl tutmaq niyyətinə sadiqliyini bu ayda bir daha təsdiq edir”.
Səfir deyib: “Ramazanın qeyd olunması “bizim başqaları ilə onların bizimlə davranmasını dilədiyimiz tərzdə davranmağın əhəmiyyətini xatırladır. Sevindirici haldır ki, Azərbaycandakı çoxsaylı dini icmalar arasında qarşılıqlı hörmət və tolerantlığın çoxəsrlik tarixi var”.
Qafqaz Müsəlmanları İdarəsinin sədrinin müavini Hacı Salman Musayev deyib ki, Ramazan insanlar bir-birinin qeydinə qalmalı olduğu bir aydır. “Ramazan islamın gəlişindən müharibələrin, qan tökülməsinin dayandırılması dövrüdür. Amma təəssüflər olsun ki, bu gün bir sıra müsəlman ölkələrində müharibələr daha da geniş vüsət alıb. Allaha dua edirik ki, bu günlərdə tökülən qanlara son verilsin. Bu günlərdə hər iki tərəfdən “Allahu-əkbər” deyərək bir-birinə atəş açanlar bu atəşə son qoysunlar. Oruclu insanlar dua etməlidir ki, dünyada sabitlik yaransın, tökülən qanlara son qoyulsun, göz yaşlarına son verilsin. Arzu edərdim ki, dünyanın hegemon dövlətləri bu müharibələrin qarşısının alınmasında daha fəal olsunlar”, - o bildirib.
S.Musayev dua edib ki, Azərbaycanda uzun illər ərzində yaranmış tolerantlıq mühiti daimi olsun. “Burada yaşayan müxtəlif dillərdə danışan, müxtəlif dinlərə etiqad edən insanlar həmişə mehriban olsun və əmin-amanlıq şəraitində yaşamaqda davam etsinlər”, - o qeyd edib. -03C-
-
- Cəmiyyət
- 11 İyul 2014 12:04
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz