ABŞ dövlət katibinin demokratiya və insan hüquqları məsələləri üzrə köməkçisinin müavini Tomas Melia gələn həftə Azərbaycana gələcək. Səfərdə məqsəd demokratiya və insan haqları sahəsində vəziyyətin müzakirəsidir. Bu barədə Turan-a diplomatik mənbələrdən məlum olub.
ABŞ səfirliyindən məlumatı təsdiqləyiblər, lakin səfər haqqında rəsmi məlumat yaymayıblar.
Sonuncu dəfə T.Melia Azərbaycana 2012-ci ilin dekabrında gəlib. Səfər zamanı o, prezident İlham Əliyev, XİN rəhbəri Elmar Məmmədyarov, müxalifət və vətəndaş cəmiyyətinin nümayəndələri ilə görüşüb.
Dekabrın 11-də Bakıda keçirilən mətbuat konfransında Amerika administrasiyasının yüksək vəzifəli məmuru bildirib ki,
“2013-cü ildə prezident seçkiləri keçiriləcək və biz hazırda demokratiya sahəsində öhdəliklərin necə yerinə yetirilməsini müşahidə edirik”.
O, Azərbaycanda söz, toplaşma, insan hüquqları və demokratiya sahəsində vəziyyətlə bağlı ABŞ hökumətinin narahatlığını bildirib.
T.Melianın dekabr səfərindən sonra insan hüquq və azadlıqları ilə bağlı vəziyyət daha da pisləşdi. Bu ilin əvvəlindən vətəndaş cəmiyyətinin onlarla fəalı həbs olunub, siyasi azadlıqlar daha da məhdudlaşdırılıb, vətəndaşlar üzərində xüsusi xidmətin nəzarəti güclənib.—0—
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz