![Amnesty İnternational: Leyla Yunusun həbsi Azərbaycanda insan hüquqlarının vəziyyətinin acınacaqlı olmasına daha bir nümunədir](https://turan.az/resized/750/500/resize/media/2014/main/073100085589.jpg)
Amnesty İnternational: Leyla Yunusun həbsi Azərbaycanda insan hüquqlarının vəziyyətinin acınacaqlı olmasına daha bir nümunədir
Hüquq müdafiəçisi Leyla Yunusun həbsi Azərbaycanda insan hüquqlarının ağır vəziyyətinə yeni nümunədir. Bu barədə beynəlxalq Amnesty International təşkilatının bəyanatında deyilir.
“Leyla Yunus uzun müddət hökumətin təhdid və hədə-qorxu ilə susdurmağa cəhd etdiyi müstəqil səs idi. Buna nail olmadıqları üçün hökuməti tənqid etdiyinə görə onu uydurma ittihamla həbs etdilər”, - təşkilatın nümayəndəsi Natalya Nozadze bildirib.
Azərbaycan Avropa Şurasının Nazirlər Komitəsinin sədri olmasına baxmayaraq, ölkədə hüquq müdafiəçilərinin təqib olunması davam edir.
İyulun 30-da məhkəmə L.Yunusu üç ay müddətinə həbs edib. Onun həyat yoldaşı A.Yunusun sərbəst hərəkəti məhdudlaşdırılıb.
Hakimiyyət Leyla və Arif Yunusları dövlətə xəyanətdə, dələduzluqda və vergidən yayınmada ittiham edib.
Amnesty International hesab edir ki, L. və A.Yunuslara qarşı ittihamlar saxtalaşdırılıb və L.Yunusun fəaliyyətinə görə təqib olunması prosesinin tərkib hissəsidir.
L.Yunus ötən həftə mətbuat konfransı təşkil edərək ölkədə insan hüquqları pozulduğundan 2015-ci ildə Bakıda keçiriləcək Avropa Oyunlarını boykota çağırıb.
Həbsindən əvvəl Ermənistanın xeyrinə casusluqda ittiham olunan jurnalist Rauf Mirqədirova qarşı cinayət işi ilə əlaqədar müntəzəm olaraq prokurorluğa çağırılıb.
"Bu günkü həbs ölkədə müntəzəm tənqidi səslərin amansız yatırılmasının başqa bir nümunəsidir. Avropa Şurasının üzvləri Azərbaycanda insan hüquqlarının pozulması ilə bağlı bu ölkənin hakimiyyətinə etiraz etməlidir”, -N. Nozadze bildirib.
Hazırda Amnesty International ölkədə ən azı 19 vicdan məhbusunun olduğunu qeyd edir. Onlar öz fikrinin dinc ifadə olunmasına görə həbs ediliblər -02D-
-
- Söz istəyirəm
- 31 İyul 2014 11:21
Siyasət
-
ABŞ cümə axşamı Edmundo Qonzalesin Venesuelada keçirilən prezident seçkilərində Nikolas Maduronu məğlub etdiyini bildirib və hakimiyyətin dinc yolla ötürülməsinə çağırıb, bu barədə TURAN-ın Vaşinqton müxbiri xəbər verir.
-
Cümə günü səhər ABŞ prezidenti Bayden və vitse-prezident Kamala Harris Rusiya tərəfindən məhbus mübadiləsi zamanı bir neçə saat əvvəl azad edilən üç amerikalını – “Azadlıq Radiosu”nun jurnalistləri Alsa Kurmaşeva, “Wall Street Journal”dan Evan Gerşkoviç və Dəniz Piyadaları veteranı Pol Uilanı qarşılayıb, bu barədə TURAN-ın Vaşinqton müxbiri Merilend ştatındakı Endryus Hərbi Hava Qüvvələri bazasından xəbər verir.
-
TURANın Vaşinqton müxbiri xəbər verir ki, ABŞ Rusiya sərhədçilərinin İrəvan hava limanından çıxarılmasına reaksiya verib və bunu “düzgün istiqamətdə atılan addım” adlandırıb.
-
İyulun 30-da Ermənistan-Türkiyə arasında münasibətlərin normallaşdırılması üzrə Ermənistan və Türkiyənin xüsusi nümayəndələri, Ermənistan parlamentinin vitse-spikeri Ruben Rubinyan və səfir Serdar Kılıç Ermənistan-Türkiyə sərhədinin Marqara-Əlican sərhəd-keçid məntəqəsində beşinci görüş keçiriblər.
Rəy yaz