![Amnistiya siyasi məhbusları əhatə etmir](https://turan.az/resized/media/2016/main/052000156657-750-500-resize.webp)
Amnistiya siyasi məhbusları əhatə etmir
Bu gün Milli Məclis 28 May – Respublika Günü münasibətilə amnistiya haqqında aktı qəbul edib. Amnistiya 10 minə yaxın məhbusu əhatə edəcək ki, onlardan 3500-ə yaxını cəzaçəkmə yerlərindən azad ediləcək. Sənəd parlamentə Mehriban Əliyevanın adından təqdim olunub.
Qeyd edək ki, amnistiya böyük ictimai təhlükə törətməyən cinayətlərə görə məhkum edilmiş bütün şəxsləri əhatə edəcək. Məntəqə tipli cəzaçəkmə müəssisələrində cəza çəkən dustaqlar da amnistiyaya düşəcək.
Həmçinin hərbi hissələrdə inzibati xarakterli cəza çəkən və cəzasının çəkilməmiş hissəsi 1 ildən artıq olmayanlar, islah və ictimai işlər cəzalarına məhkum edilmiş bütün şəxslərə, habelə cərimə cəzasına məhkum edilmiş, cəzasının çəkilməsi təxirə salınmış məhkumlar amnistiyaya düşür.
Həmçinin az ağır cinayətlərə görə məhkum edilmiş qadınlar, cinayət törədərkən 18 yaşına çatmayanlar, əlillər, 60 yaşına çatmış kişilər, öhdəsində yetkinlik yaşına çatmayan, yaxud birinci və ya ikinci qrup əlil övladı olanlara amnistiya şamil ediləcək.
Azərbaycanın suverenliyinin və ərazi bütövlüyünün qorunması uğrunda döyüşlərdə iştirak etmiş, Azərbaycan ərazilərinin bir hissəsinin işğalı nəticəsində öz doğma torpaqlarından məcburi köçürülmüş və bəzi digər kateqoriyalardan olan şəxslər azadlıqdan məhrumetmə cəzasından azad olunacaqlar.
Bununla yanaşı bəzi məhdudiyyətlər də var. Belə ki, amnistiya az ağır cinayət törətmiş şəxslərə (qadınlar istisna olmaqla), ağır və xüsusilə ağır cinayətlər törədənlərə şamil edilmir.
Amnistiya aktı iyunun 15-də qüvvəyə minəcək və 4 gün ərzində həyata keçiriləcək.
Hüquq müdafiəçilərinin qiymətləndirməsinə görə, amnistiya demək olar ki, siyasi məhbusları əhatə etməyib.
Bu 2007-ci ildən bu yana M.Əliyevanın təşəbbüsü ilə qəbul edilən dördüncü amnistiya aktıdır.
Əvvəlki akt 2013-cü ildə qəbul edilib və 9 mindən çox məhbusu əhatə edib, o cümlədən 2 min nəfər həbsdən buraxılıb.—06D-
-
- Cəmiyyət
- 20 May 2016 13:57
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz