Ankara Rusiyanın “İslam dövləti”nə (təşkilatın fəaliyyəti Rusiyada qadağan edilib) qarşı əməliyyat aparmaq üçün İncirlik aviabazasından istifadə etməsinə icazə verə bilər. Bu barədə Türkiyə XİN rəhbəri Mövlud Çavuşoğlu TRT telekanalına müsahibəsində deyib.
“İŞİD ilə mübarizədə Türkiyə istənilən ölkə ilə əməkdaşlığa hazırdır. Sizə məlum olduğu kimi, İncirlik aviabazası hamımıza düşmən olan “İslam dövləti”nə qarşı mübarizədə iştirak etmək istəyən hər bir ölkəyə açıqdır. Sergey Lavrov xatırlatdığı kimi, biz bu məsələdə razılığa gəlmişik”, - o bildirib.
M.Çavuşoğlu deyib ki, iki ölkə lideri Rəcəp Tayyib Ərdoğanla Vladimir Putinin görüşü iyulun sonları- avqustun əvvəllərində baş tuta bilər.
Rusiya və Türkiyə xarici işlər nazirləri ötən cümə günü Soçidə 40 dəqiqəlik görüş keçiriblər. Görüş iki ölkə prezidentinin telefon söhbətindən sonra ölkələr arasında münasibətlərin yaxşılaşması fonunda baş tutub. Rusiya turist səfərlərilə ilə bağlı Türkiyəyə tətbiq etdiyi sanksiyanın ləğvinə qərar verib.
Bundan öncə Financial Times Suriya müxalifət rəhbərliyinə istinadən yazıb ki, Ankara Moskva ilə münasibətlərin yumşalması fonunda kürd qüvvələri və Bəşər Əsəd rejimi ilə bağlı bəzi güzəştlərə gedəcək.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz