Bakı/26.02.18/Turan: Türkiyə Çexiya hakimiyyətinə müraciət edərək Suriya kürd icmasının lideri Salih Müslimin verilməsini xahiş edib.
Türkiyə baş nazirinin müavini Bəkir Boğdağ deyib ki, Demokratik İttifaq Partiyasının (PYD) keçmiş həmsədri S.Müslim fevralın 26-da Praqa məhkəməsinə çıxarılacaq.
S.Müslim Ankaranın sorğusu əsasında fevralın 24-də Praqada saxlanılıb. Demokratik İttifaq Partiyası Türkiyəni "öz vətəndaşı olmayan şəxsi heç bir hüquqi əsas olmadan həbs etməkdə" ittiham edib.
Türkiyə məhkəməsi S.Müslimi "dövlətin birliyini və ölkənin bütövlüyünü pozmaqda" və digər qanun pozuntularında ittiham etdikdən sonra onun verilməsini tələb edib.
Türkiyənin "terrorçu qrup" hesab etdiyi Demokratik İttifaq Suriyanın şimalında kürdlərin əsas siyasi qüvvəsidir. Ötən il S.Müslim həmsədr postundan istefa versə də nüfuzlu siyasətçi olaraq qalır.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz