![A.Paşazadə Roma Papasını Azərbaycana dəvət etdi](https://turan.az/resized/media/2013/main/110400056293-750-500-resize.webp)
A.Paşazadə Roma Papasını Azərbaycana dəvət etdi
Qafqaz Müsəlmanları İdarəsinin sədri, Şeyxülislam Allahşükür Paşazadə bazar ertəsi öz ofisində Vatikan dövlətinin kardinalı Canfranko Ravazini qəbul edib.
A.Paşazadə tərəflər arasında əməkdaşlığın yüksək səviyyədə olduğunu bildirib. Bundan sonra da əməkdaşlığın davam etdiriləcəyini nəzərə çatdırıb. QMİ sədri əməkdaşlığın daha da inkişaf etdirilməsinin bütün dünyada dini sabitliyin təmin olunmasına xidmət etdiyini vurğulayıb. O, belə əməkdaşlığın həm də mədəniyyətlərarası dialoqun inkişafına təkan verdiyini qeyd edib. Vatikan nümayəndələrini Bakıya daha sıx səfərlərə dəvət edən A.Paşazadə bu səfərlərin Azərbaycan həqiqətlərini daha aydın görməyə imkan verməsinə diqqət çəkib.
O, Roma Papasını Bakiya dəvət edib. QMİ sədri görüşü hər iki tərəf üçün əhəmiyyətli adlandırıb.
2014-cü ildə MDB Dinlərarası Məşvərət Şurası rəhbərliyinin dini konfrans keçirmək niyyətində olduğunu deyən A.Paşazadə məsələ real olduqda Vatikana dəvət göndəriləcəyini söyləyib.
Kardinal Azərbaycandakı bütün dini konfessiya rəhbərlərinin bu tədbirə qatılmalarını yüksək dəyərəndirib. Bu gün “Təzəpir məscidi”ni ziyarət etməsini, islam cəmiyyəti olan Azərbaycanda rəğbətlə qarşılanmasını dini tolerantlığın göstəricisi adlandırıb. Kardinal Vatikanla Heydər Əliyev Fondu arasında mədəni layihələr həyata keçirildiyini bildirib. Bu sırada Fondun xəttilə Vatikanda katakombaların bərpası layihəsinin adı çəkilib.
C.Ravazi Romada Azərbaycan mədəniyyətinə dair tədbir keçirildiyi halda bu çərçivədə dini mədəniyyətə də yer verilməsinin məqbul olduğunu qeyd edib.
Tədbrin sonunda tərəflər bir-birinə xatirə hədiyyələri təqdim ediblər. -05C-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz