![Apellyasiya Məhkəməsi Anar Məmmədlini həbsdə saxlayıb](https://turan.az/resized/news/2024/Yjr5NDrIw02rIZNCd5cZWMKRtZ2cmxRkkFW9gLhd-750-500-resize.webp)
Apellyasiya Məhkəməsi Anar Məmmədlini həbsdə saxlayıb
Apellyasiya Məhkəməsi Anar Məmmədlini həbsdə saxlayıb
Avqustun 28-də Bakı Apellyasiya Məhkəməsində Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin şikayətinə baxılıb, bu barədə Turan-a fəalın yaxınları bildirib.
Şikayət Bakının Xətai Rayon Məhkəməsinin Məmmədlinin həbs müddətinin 3 ay - noyabrın 27-nə qədər uzadılması haqqında 22 avqust tarixli qərarından verilib.
Müdafiə tərəfi istintaq müddətində Məmmədlinin həbsdə saxlanılmasına ehtiyac olmadığını qeyd edib. Məmmədli özü həbsini ictimai və hüquq müdafiə fəaliyyəti ilə əlaqələndirib.
Lakin Apellyasiya Məhkəməsi şikayəti təmin etməyib.
Məmmədli ötən ilin aprelində Abzas Media-nın işi ilə əlaqədar həbs olunub. Lakin sonradan onun işi ayrıca icraata ayrılıb.
O, xarici valyuta qaçaqmalçılığında ittiham olunur. Hüquq müdafiəçiləri Məmmədlini siyasi məhbus kimi tanıyıblar.
ABŞ və Aİ Məmmədlinin təqib olunması ilə bağlı narahatlıqlarını bildiriblər, çox sayda beynəlxalq hüquq müdafiə qurumu onu azad etməyə çağırıb.
Siyasət
-
Həbsdə olan politoloq Bəhruz Səmədovun nənəsi Zibeydə Osmanova Ombudsman Aparatının qarşısında etiraz aksiyasını keçirib. Z.Osmanova Ombudsman Səbinə Əliyeva görüş tələb edib.
-
ATƏT PA-nın 60-a yaxın müşahidəçisi sentyabrın 1-də keçiriləcək növbədənkənar parlament seçkilərini müşahidə etmək üçün Azərbaycana gələcək. Bu missiya 1995-ci ildən etibarən PA-nın ölkədə seçkiləri müşahidə edən on birinci missiyası olacaq, bu barədə təşkilatın saytında dərc edilmiş məlumatda deyilir.
-
Tovuz rayon Vəkil Bürosunun müdiri Abdullayev Rəşad Tapdıq oğlu və həmin qurumun vəkili Əliyev Süleyman Hüseynqulu oğlu barəsində Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddəsi ilə cinayət işi başlanıb.
-
Bu gün Azərbaycan prezidenti İlham Əliyevin iştirakı ilə Sea Breeze istirahət mərkəzində LANDAU məktəbinin və The Grand apart-otelin açılışı olub, xəbəri dövlət başçısının saytı yayıb.
Rəy yaz