![Açiq mənbələrdən foto.](https://turan.az/resized/media/2023/main/110700069072-750-500-resize.webp)
Açiq mənbələrdən foto.
Apellyasiya məhkəməsi Arif Hacılının oğlunu həbsdə saxlayıb
Bakı/07.11.23/Turan: Bu gün Bakı Apellyasiya Məhkəməsi Orxan Hacılının (Müsavat Partiyasının rəhbəri Arif Hacılının oğlu) həbsinin ev dustaqlığına dəyişdirilməsilə bağlı şikayəti təmin etməyib.
Vəkil Nemət Kərimli yol qəzası törətməkdə ittiham olunan Hacılının cinayət təqibinin əsassız olduğunu bildirib.
İstintaq materiallarında göstərilir ki, Hacılı "məsafəni saxlamayıb".
Yol hərəkəti haqqında qanunda sürücünün riayət etməli olduğu konkret məsafə göstərilməyib. Sosial şəbəkələrdə yayılan videolarda görünür ki, qəzanı Hacılının yoluna çıxan və zəncirvari qəzaya səbəb olan başqa bir sürücü törədib.
Orxan qəzadan qaçmağa çalışıb, lakin uğursuz olub. Qəzadan sonra maşından enərək ziyan dəymiş avtomobillərin sürücülərilə söhbət edib. Məlum olub ki, heç kim bədən xəsarəti almayıb, yəni zərərçəkən olmayıb", - vəkil deyib.
20 gün sonra qəfildən bir “zərərçəkən” ortaya çıxıb və guya xəstəxanaya müraciət etdiyini bildirib. "Əgər polisdə zərərçəkən haqda məlumat vardısa, niyə 20 gün susub, Orxandan ifadə almayıb?", - vəkil qeyd edib.
Digər tərəfdən, Hacılının ittiham olunduğu maddələr ictimai təhlükə kateqoriyasına aiddir, şəxs istintaqdan gizləndiyi təqdirdə həbs qətimkan tədbiri seçilir. İndiki halda bu, yoxdur, o, ilk çağırışda könüllü olaraq polisə gedib.
Orxan Hacılı özü işi siyasi adlandırıb və atasının müxalifətyönlü fəaliyyətilə əlaqələndirib.
*Noyabrın 2-də Yasamal Rayon Məhkəməsi Müsavat Partiyasının rəhbəri Arif Hacılının oğlu Orxan Hacılını 2 ay müddətinə həbs edib. Ona qarşı Azərbaycan Cinayət Məcəlləsinin 263.1-ci (sağlamlığa az ağır ziyan vurmaqla yol hərəkəti qaydalarının pozulması) və 264-cü (yol-nəqliyyat hadisəsi yerinin tərk edilməsi) maddələrilə ittiham irəli sürülüb. O, oktyabrın 11-də baş vermiş yol-nəqliyyat hadisəsinə görə cəlb edilib. 21B16 / 06
-
- Siyasət
- 7 Noyabr 2023 16:08
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz