![Apellyasiya məhkəməsi Elşən Kərimovu həbsdə saxlayıb](https://turan.az/resized/news/2024/juxZDToV35RJR7l2UAFPO5Qf2DjDUtPJuMTJ8x3l-750-500-resize.webp)
Apellyasiya məhkəməsi Elşən Kərimovu həbsdə saxlayıb
Apellyasiya məhkəməsi Elşən Kərimovu həbsdə saxlayıb
Bakı Apellyasiya Məhkəməsi hakim Elbəy Allahverdiyevin sədrliyi ilə sosial şəbəkə fəalı Elşən Kərimov barəsində Bakı şəhər Binəqədi Rayon Məhkəməsinin qərarından verilən şikayəti təmin etməyib. Məhkəmə Kərimovu həbsdə saxlayıb. Bu barədə Turan-a onun vəkili Zibeydə Sadıqova bildirib.
Vəıkilin sözlərinə görə, Elşən Kərimov məhkəmədə ittihamı qəbul etmədiyini bildirib.
"O dedi ki, ittiham tamamilə əsassızdır. Rusiya vətəndaşıdır, 57 yaşı var. İlk dəfədir ki, hansısa cinayət əməlində ittiham olunur. Azərbaycana atasının yas mərasimində iştirak etnmək üçün gəlib. Yas mərasimi zamanı saxlanılıb", deyə Sadıqova qeyd edib.
Elşən Kərimov barəsində həbs qətiimkan tədbiri seçilməsi ilə də razı deyil. "Çünki alternativ imkan tədbirləri də var", deyə vəkil bildirib.
Sosial şəbəkə fəalı Elşən Kərimov aprelin 17-də Yevlax rayonunun Rüstəmli kəndində saxlanılıb. Onun barəsində Baş Prokurorluğun İstintaq İdarəsində Cinayət Məcəlləsinin 281.1 (Hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) maddəsi ilə cinayət işi başlanılıb. Aprelin 19-da Binəqədi Rayon Məhkəməsi Kərimov barəsində 3 aylıq həbs qətimkan tədbiri seçib.
Elşən Kərimov sosial şəbəkələrdə fəaldır. O, son zamanlar Facebook-da Azərbaycanda həbs edilən Azərbaycan Xalq Cəbhəsi Partiyasının fəallarını, digər siyasi partiya üzvlərini, ictimai fəalları və jurnalistləri müdafiə edən statuslar paylaşıb.
-
- Bazarların icmalı
- 24 Aprel 2024 15:33
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz