Apellyasiya Məhkəməsi İlqar Məmmədovu həbsdə saxladı
Bu gün Bakı Apellyasiya Məhkəməsi Respublikaçı Alternativ (ReAl) hərəkatının sədri İlqar Məmmədovun qanunsuz həbslə bağlı şikayətini təmin etməyib.
Vəkil Fuad Ağayevin Turan-a verdiyi məluamta görə, məhkəmə müdafiə tərəfin Məmmədovun məşhur ictimai xadim olduğu və istintaqdan yayınmaq niyyətində olmadığı haqqında dəlilləri diqqətə almayıb.
Vəkil Xalid Bağırov bildirib ki, müdafiə tərəfi həmçinin çoxsaylı prosessual pozuntular olduğu üçün və birinci instansiya məhkəmə iclasının protokollarında müdafiə tərəfin iradların əks olunmadığı üçün işin Nəsimi rayon məhkəməsinə qaytarılması haqqında vəsatət qaldırıb.
Lakin hakim Faiq Qasımov Məmmədovun şikayətini təmin etməyib.
Vəkil bildirib ki, məhkəmənin qərarından Strasburq Məhkəməsinə şikayət veriləcək. Bundan başqa, həbsin ev dustaqlığı ilə əvəz edilməsi haqqında yeni şikayət qaldırılacaq.
Məmmədov Nəsimi rayon məhkəməsi tərəfindən fevralın 4-də həbs olunub və ona qarşı CM-in 233 (ictimai asayişin pozulmasına yönəlmiş əməllərin təşkili) və 315.2-ci (hakimiyyət nümayəndəsinə müqavimət göstərmək) maddələri ilə ittiham irəli sürülüb. -16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz