Apellyasiya Məhkəməsi İqbal Əbilovu həbsdə saxlayıb

İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb. O, ittihamları rədd edib. “İqbal Əbilov bildirib ki, o, sırf elmi fəaliyyət və tədqiqatla məşğul olub. O, ittihamı ümumiyyətlə başa düşmədiyini bildirdi” – deyə vəkil Rövşanə Rəhimova qeyd edib. Müdafiə tərəfi də hesab edir ki, ittihamın maddi hüquqi əsası yoxdur və yalnız istintaqın subyektiv fərziyyəlırinə  əsaslanır. Vəkil bildirib ki, Əbilovun hüquqlarının müdafiəsi və bərpası üçün bütün hüquqi addımlar atılacaq.      

İqbal Əbilov iyulun 22-də qohumlarını ziyarət etmək üçün Azərbaycana gələn zaman saxlanılıb. O, Cinayət Məcəlləsinin 274-cü (dövlətə xəyanət), 281.3-cü (xarici təşkilatların və ya onların nümayəndələrinin göstərişi ilə dövlət əleyhinə yönələn açıq çağırışlar) və 283.1-ci (milli, irqi, sosial və ya dini nifrət və düşmənçiliyin salınması) maddələri ilə ittiham olunub.

İddia oıunir ki, bütün bu cinayətlərin Əbilov Ermənistan xüsusi xidmət orqanlarının göstərişi ilə törədildiyi iddia edilir.

Əbilov ittihamları rədd edir.