İran lideri Ismayıl Haniyənin öldürülməsinə cavab olaraq İsrailə zərbə endirmək əmri verib

İranın ali dini lideri Əli Xamneyi HƏMAS Siyasi Bürosunun lideri İsmayıl Həniyənin öldürülməsinə cavab olaraq İsrailə zərbə endirilməsi barədə göstəriş verib. Bu barədə “The New York Times” (NYT) İran rəsmilərinə istinadən məlumat yayıb. 

Qeyd olunur ki, müvafiq qərar İranın Ali Milli Təhlükəsizlik Şurasının fövqəladə iclası zamanı qəbul edilib. 

Bundan əvvəl HƏMAS-ın Livandakı nümayəndəsi Mahmud Tah demişdi ki, Haniyənin öldürülməsinə görə məsuliyyət İsrail və ABŞ-ın üzərinə düşür və bu əməliyyat Vaşinqtonla razılaşdırılıb. Onun fikrincə, hərəkatın liderinə zərbə endirilməsi Yaxın Şərq regionunda genişmiqyaslı müharibəyə səbəb ola bilər və ABŞ belə bir eskalasiyaya görə məsuliyyət dərəcəsini dərk etməlidir. 

Ağ Evin Milli Təhlükəsizlik Şurasının (MTŞ) strateji kommunikasiyalar üzrə koordinatoru Con Kirbi bildirib ki, ABŞ İsrailin HƏMAS Siyasi Bürosunun rəhbəri İsmayıl Haniyəni Tehranda məhv etmək planlarından əvvəlcədən xəbərsiz olub.