Apellyasiya Məhkəməsi “Kanal 11” internet televiziyasının rəhbərini həbsdə saxlayıb
Martın 11-də Bakı Apellyasiya Məhkəməsi “Kanal 11” internet televiziyasının rəhbəri Teymur Kərimovun ev dustaqlığına buraxılmaması ilə bağlı şikayətini təmin etməyib.
Məhkəmədə o, hədə-qorxu ilə tələb etmə ittihamını rədd edib. Kərimov peşəkar jurnalist fəaliyyətinə və qanunsuzluqları işıqlandırdığına görə təqib olunduğunu bildirib.
“Əgər Azərbaycan insan hüquqları sahəsində beynəlxalq konvensiyalara əməl etmirsə, niyə onları imzalayır?”, - 2023-cü ilin dekabrında həbs edilən Kərimov deyib.
Jurnalistləri Müdafiə Komitəsi Azərbaycan hakimiyyətini Kərimovu, eləcə də son aylarda həbs edilən digər Azərbaycan media nümayəndələrini azad etməyə çağırıb.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz