Dünən Bakı Apellyasiya Məhkəməsi Müsavat Partiyasının sədr müavini və “Yeni Müsavat” qəzetinin icmalçısı Tofiq Yaqublunun həbs müddətinin dekabrın 4-nə qədər uzadılması haqqında qərardan verdiyi şikayəti təmin etməyib. Bu qərar avqustun 13-də qəbul edilib. Bu barədə Turan-a vəkil Nemət Kərimli bildirib.
Xatırladaq ki, Yaqublu və ReAl hərəkatının rəhbəri İlqar Məmmədov fevralın 4-də həbs ediliblər və yanvarın 23-24-də İsmayıllı şəhərində iğtişaşlar təşkil etməkdə ittiham olunublar.
Əvvəlcə onları 233 (ictimai asayişi pozan hərəkətlərin təşkili) və 315.2-ci (polisə müqavimətin təşkili) maddələrlə ittiham ediblər. Sonradan 233-cü maddə daha ağır - 220.1-ci (kütləvi iğtişaşların təşkili) maddə ilə əvəz olunub.
Bundan sonra onların həbs müddəti dəfələrlə uzadılıb, istintaq faktiki olaraq aparılmır, məhkəmənin isə izi-tozu da yoxdur. Amnesty International hər iki şəxsi “vicdan məhbusu” kimi tanıyıb.
Bu iş üzrə iyirmiyə yaxın şəxs – iğtişaşların bilavasitə iştirakçıları da həbs olunub. -16D06-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz