Aqramuntun Azərbaycanda insan hüquqları haqqında məruzə hazırlaması yenidən təxirə salınıb
AŞPA üzvü, ispaniyalı deputat Pedro Aqramun Bakıya aprelin 8-9-da nəzərdə tutulan səfərini ləğv edib.
Səfər “gözlənilməyən hallarla” əlaqədar təxirə salınıb, deyə Avropa Şurasının Twitter-dəki rəsmi səhifəsində yerləşdirilmiş məlumatda bildirilir.
Aqramuntun missiyası AŞPA-nın hüquq məsələləri və insan hüquqları üzrə komitəsi üçün “Azırbaycanın Avropa Şurasına sədrliyi: insan hüquqlarına hörmət sahəsində hansı tədbirlər görülüb?” mövzusunda məruzə hazırlaması ilə əlaqədar planlaşdırılırdı.
AŞPA komitəsi Aqramunta məruzə hazırlamağı hələ 2014-cü ilin iyununda, yerli fəalların siyasi məhbuslar problemi ilə bağlı çoxsaylı müraciətlərindən sonra tapşırmışdı.
Bu, Azərbaycanın AŞ Nazirlər Komitəsinə sədrliyinin başlanğıcı ilə eyni vaxta təsadüf edib.
Azərbaycanın sədrliyi dövründə vəziyyət nəinki yaxşılaşmayıb, əksinə, pisləşib: Avropa Şurasına siyasi məhbuslar problemi haqqında məlumat verən hüquq müdafiəçilərinin həbsləri davam edib.
Bütün bu müddət ərzində Aqramunt susurdu və bir dəfə də Azərbaycana gəlməyib. Yalnız martda o, AŞPA Monitorinq Komitəsinin digər həmməruzəçisi, Polşalı həmkarı Tadeuş İvinski ilə birlikdə Azərbaycana qısa səfər edib.
Bu zaman hər iki məruzəçi ictimai bəyanatlardan uzaq durublar və mətbuat konfransı keçirməyiblər. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz