Araik Arutyunyan istefa verəcəyini və dövlət nazirinin postundan azad edildiyini bildirib /YENİLƏNİB/

Separatçıların lideri Araik Arutyunyanın "prezident" postundan istefa verəcəyilə bağlı xəbərlər təsdiqlənib.

"Sabah istefa ərizəmi təqdim edəcəyəm. Bu, bütün xarici və daxili oyunçularla və geniş ictimaiyyətlə əlaqələrimi nəzərə alaraq iki gün öncə verdiyim son qərardır" , - Arutyunyan Facebook - da yazıb. O deyib ki, ailəsilə birlikdə Dağlıq Qarabağda yaşamağa davam edəcək.

O həmçinin bildirib ki, Qurgen Nersisyanı "dövlət naziri"  postundan azad edib və onun yerinə Samvel Şahramanyanı təyin edib.

Beləliklə, Qarabağın "prezidenti" postu vakant qalıb. 0

*   *   *

2023 Avqust 31 (Cümə axşamı) 11:35:41

Araik gedir?

Bakı/31.08.23/Turan: Paşinyançı Baqramyan-26 teleqram kanalı bildirib ki, Qarabağ separatçılarının lideri Araik Arutyunyan bu gün istefa verəcək. O, hakimiyyəti "Təhlükəsizlik Şurasının katibi" Samvel Şahramanyana verəcək. Sonuncu əvvəllər "gənclər və idman naziri", ondan öncə isə Qarabağın "Təhlükəsizlik Xidməti"nin rəhbəri olub.

Əgər məlumat təsdiqlənərsə, Ağdam-Xankəndi yolunun açılmasının tərəfdarlarının məğlub olacağını güman etmək olar. 02D