Aİ nümayəndələri əvvəllər də Dağlıq Qarabağa səfər etmək niyyətlərini ifadə edirdilər. Onlar bunu onunla əsaslandırırlar ki, Aİ-nin münaqişənin nizamlanmasına dair tədbirlərə hər hansı əlaqəsi var, Brüssel nümayəndələri də regiona səfər etməlidir. Bu zaman onlar Abxaziya və Dnestryanı bölgəsinə səfər etdiklərinə də istinad edir. Bu barədə Turan agentliyinə Azərbaycan xarici işlər nazirinin müavini Araz Əzimovun Avropa İttifaqının xüsusi nümayəndəsi Filip Leforun Dağlıq Qarabağa səfər planlarına kəskin reaksiyasını şərh edən Milli Məclisin deputatı Rasim Musabəyov deyib.
Müsabəyovun sözlərinə görə, Azərbaycanın bu məsələ ilə bağlı öz mövqeyi var və əgər Aİ xüsusi nümayəndəsi DQ getmək istəyirsə, ora Azərbaycan tərəfdən keçməlidir.
İkincisi, səfər regionun Azərbaycan və erməni icmalarının həyatı ilə tanışlıq kontekstində həyata keçirilməlidir. Nəhayət, Aİ-nın DQ-da bütün mümkün proqramları yalnız Azərbaycanın razılığı ilə həyata keçirilməlidir.
«Əgər Lefort DQ-a getmək istəyirsə, əvvəl Bakıya gəlib öz missiyasının məqsədləri barədə məlumat verməlidir, onun ora gedib getməməsi ilə bağlı qərarı isə biz veririr» - deyə Musabəyovun fikrini tamamlayıb.
Öz növbəsində «Şərq-Qərb» Araşdırmalar Mərkəzinin rəhbəri Ərəstun Oruclu hesab edir ki, Bakının Lefortun planlarına kəskin reaksiyası heç də Dağlıq Qarabağ məsələsinin nizamlanması ilə bağlı deyil.
«Hesab edirəm ki, bu, bu yaxınlarda XİN başçısı Elmar Məmmədyarovun Bresseldə Ftefan Füle ilə görüşünün nəticəsidir. Görüşün açıq hissəsində Füle Azərbaycana açıq mesajlar ünvanlayıb ki, üzərinə götürdüyü öhdəliklər çərçivəsində real islahatlar həyata keçirmək lazımdır» - deyə Oruclu bildirib. O həmçinin əlavə edib ki, yəqin, bağlı qapılar arxasında Məmmədyarova Avropa oyun qaydalarına riayət edilməsinin və şəffaf, demokratik seçkilərin keçirilməsinin vacibliyi açıq bildirilib.
«Ancaq bu tələblərin yerinə yetirilməsi Azərbaycandakı hakim rejimin iflasına bərabərdir. Brüsselin tələblərini açıq rədd etmək istəməyən Bakı Fülenin çağırışlarına Əzimovun Avropa İttifaqı və bütövlükdə beynəlxalq vasitəçilərə tənqidi vasitəsilə cavab verib. Ancaq bütövlükdə bu, Əzimovun özfəaliyyəti deyil, razılaşdırılmış fikirdir» - deyə Oruclu qeyd edib. - 02/06B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz