Bakı/19.03.19/Turan: ATƏT-in media azadlığı üzrə nümayəndəsi Arlem Dezir criminal.az saytının redaktoru Anar Məmmədovun barəsində ittiham hökmünü pisləyb.
O, Twitter hesabında yazıb ki, A. Məmmədovun məhkum edilməsi bir daha Azərbaycanda ifadə və media azadlığında narahatverici tendensiyanın olduğunu nümayiş etdirir.
""Mən Azərbaycan hakimiyyətini apellyasiya instansiyasında bu cinayət işinə yenidən baxıb jurnalistə maneəsiz işləmək imkanı verməyə səsləyirəm", - A.Dezir yazıb.
Ötən gün A.Məmmədov dövlət əleyhinə çağırışlar, səlahiyyət həddini aşmaq və vəzifə saxtakarlığı ittihamı ilə iki il sınaq müddəti olmaqla 5,5 il azadlıqdan məhrum edilib. Onun cinayət məsuliyyətinə cəlb edilməsinə criminal.az saytında Gəncə şəhərinin keçmiş icra başçısı Elmar Vəliyevə sui-qəsd barədə yazının dərci səbəb olub. -06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz