AŞ-nin Azərbaycan üçün İnformasiya Mərkəzi

Avropa Qonşuluq Siyasətinin İnformasiya Mərkəzinin internet saytı yenilənib və indi Azərbaycan da daxil olmaqla, AQS-nin 17 ölkəsi üçün daha çox imkanlar yaradır. Aİ-nin Şərqdən Cənuba öz qonşuları ilə tərəfdaşlığına giriş qapısı olan yeni saytda, ən son xəbərlər, vakansiyalar təklif edən iş bölməsi, Aİ tərəfindən maliyyələşdirilmə imkanları, Şərq Tərəfdaşlığı haqqında geniş və hərtərəfli məlumat və Aİ-nin öz Şərq qonşuları ilə münasibətləri, həmçinin Qonşuluq Kitabxanası adlanan yeni onlayn sənəd mərkəzi yer alıb.

Euro-East portalının tam məzmununu həm ingiliscə həm də rus dilində izləmək mümkündür və Azərbaycana həsr olunmuş xüsusi səhifədə Avropa İttifaqının Azərbaycan ilə əlaqələrinə aid xəbərlər, məlumatlar yerləşdirilmişdir. Bəzi seçilmiş məlumatları Azərbaycan dilində də əldə etmək mümkündür. 

Hər gün yenilənən bu xəbərlər əsasən yerlərdə mövcud olan Aİ tərəfindən maliyyələşdirilən layihələr və rəsmi Aİ qurumlarının yüzdən artıq internet səhifələrinə istinad edir, siyasi sahədə baş verən mühüm inkişaf istiqamətləri və əsas ictimai fəaliyyətləri əhatə edir. 

Eyni zamanda, yeni foto qaleriyalar Azərbaycan da daxil olmaqla tərəfdaşlığı minlərlə şəkil vasitəsilə nümayiş etdirir. Bütün şəkillər yüksək keyfiyyətlidir və Aİ-Qonşuluq ölkələri əməkdaşlığını nümayiş etdirmək üçün şəkilləri yükləmək mümkündür. 

Saytın ən populyar bölmələrindən biri də Aİ tərəfindən maliyyələşdirmə İmkanları bölməsidir. Bu bölmə xüsusilə QHT-lər və vətəndaş cəmiyyəti təşkilatları, eyni zamanda əsas siyasət sahələrində (tərəfdaş və ya Aİ üzv ölkələrindən olmasından asılı olmayaraq) fəal olan və Aİ-nin qonşuluq ölkələri ilə daha yaxın əlaqələr qurmaq səylərində iştirak etməkdə maraqlı olan dairələr üçün əlverişlidir. Bu bölmə Şərq və Cənub qonşuluq ölkələri üzrə (həm regional həm ikitərəfli) əməkdaşlıq imkanlarını işıqlandırır. 

Vakansiyalar bölməsində Şərq və Cənub regionları üçün ayrı olmaqla Aİ tərəfindən maliyyələşdirilən layihələr, Aİ nümayəndəlikləri, və s. üzrə vakansiyalar yerləşdirilib. 

Qonşuluq Kitabxanası bölməsində siyasi sənədlər, sazişlər, məruzələr yerləşdirilmişdir və bu onlayn mənbə elmi işçilər, alimlər və institut tədqiqatçıları tərəfindən təmənnasız istifadə oluna bilər. 

Saytda 15,000 səhifədən çox material 4 dildə (İngilis, Fransız, Ərəb və Rus dillərində olmaqla) yerləşdirilmişdir. İstifadəçilər nəzərə alınaraq Aİ Qonşuluq İnfo Mərkəzinin internet səhifəsi yeni xəbərlər imkanı, vizual üstünlük və sosial media ilə daha dərindən inteqrasiya vəd edir. 

Dizayn dəyişiklikləri daha geniş vizual görünüş, ölkələr üzrə aydın tematik səhifələr, video və fotoşəkillərin daha rahat izlənə bilməsi, abunə olmaq imkanı və dil funksionallığı vəd edir. -0-