![Asif Lətifov rəhbərliyi tənqidə görə həbs edilib](https://turan.az/resized/media/2013/main/020800027753-750-500-resize.webp)
Asif Lətifov rəhbərliyi tənqidə görə həbs edilib
Dövlət Xüsusi Mühafizə Xidmətinin (DXMX) həbsdə olan zabiti Asif Lətifovun anası Gülnaz Lətifova oğlunun həbsilə bağlı cümə günü RATİ-də mətbuat konfransı keçirib.
G.Lətifova oğlunun 17 il adı çəkilən xidmətdə qulluq etdiyini söyləyib, dəfələrlə dövlət mükafatları ilə təltif edildiyini, oğlunun müsbət xarakterizə olunduğunu deyib. Oğlunun qulluq etdiyi “Betta” dəstəsinə Fikrət Rzayev komandir gəldikdən sonra problemlər yaşamağa başladığını deyib. A.Lətofovun öncə işdən çıxarılmasına, sonra həbsinə səbəb bir ədəd patronun itməsi olub. Belə ki, 2001-ci il martın 5-də Emin Ələkbərov adlı mühafizəçi patron itirib. Martın 6-na keçən gecə A.Lətifov patronu tapıb. Ziddiyyətdə olduğu üçün patronu dəstə komandirinə yox, müffətişliyə təqdim edib. 4 gündən sonra Mülki Məcəllənin 156-cı (xidməti uyğunsuzluq) maddəsilə işdən azad edilib. İşdən azad edildikdən təqribən bir ay sonra xidmətin rəhbəri Vaqif Axundovun qəbulunda olsa da, müsbət heç nə baş verməyib. 2012-ci ilin yayından, hadisənin üstündən bir il üç ay keçdikdən sonra A.Lətifov məsələni mətbuat vasitəsilə ictimailəşdirdikdən, xidmət rəhbərliyini tənqidlərə məruz qoyduqdan sonra ona qarşı cinayət işinə start verilib. Öncə ölkə prokurorluğu A.Lətifova qarşı Cinayət Məcəlləsinin 228-ci (qanunsuz sialh-sursat saxlamaq) və 232-ci (səlahiyyət həddini aşmaq) maddələrilə cinayət işi başlayıb. Daha sonra iş hərbi prokurorluğa verilib. Bu il yanvarın 29-da hərbi tribunal A.Lətivoun 5 il yarım müddətinə azadlqıdan məhrum edilməsi haqda qərar çıxarıb.
A.Lətifovun vəkili Fərzəli İbrahimov istintaqın həm əsassız, qərəzli olduğunu deyib.
Belə ki, patronu itirən E.Ələkbərov heç bir cəza almayıb, A.Lətifov isə patronu oğurlamaqda ittiham edilib. Əvvəlcə hər iki mühafizəçinin işi bir cinayət işində olsa da, sonradan E.Ələkbərovun işi ayrılıb. Məhkəmə prosesində şahidlərdən kimsə A.Lətifovun patronu oğurlamasını gördüyünü deməyib. Kimdənsə eşitdikləri mülahizələrə görə səsləndiriblər. Vəkil hazırda hərbi məhkəmənin qərarından apellyasiya şikayəti hazırladığını deyib.
G.Lətifova isə oğlunun həyatının həbsxanada təhlükədə olduğunu iddia edib. Bununla bağlı A.Lətifov dövlət başçısı İlham Əliyevə ünvanladığı məktubda özünün və ailə üzvlərinin başına bir iş gələrsə, buna görə məsuliyyətin xidmətin rəhbəri Vaqif Axundovun üəzrində qladığını ifadə edib. -05C-
-
- Siyasət
- 8 Fevral 2013 16:07
-
- İqtisadiyyat
- 8 Fevral 2013 17:04
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz