![Aslan İsmayılov: həbs edilmiş blogerin həyatı təhlükədədir](https://turan.az/resized/media/2013/main/051700036592-750-500-resize.webp)
Aslan İsmayılov: həbs edilmiş blogerin həyatı təhlükədədir
Vəkil Aslan İsmayılov bu gün ölkə ictimaiyyətini həbs edilmiş bloger Rəşad Ağaddinin həyatını xilas etməyə çağırıb. Cümə günü Media Mərkəzdə keçirilən mətbuat konfransında vəkil bildirib ki, Rəşad Ağaddin mayın 9-da itkin düşüb. Üç gün sonra onun həyat yoldaşı kömək etmək xahişi ilə İsmayılova müraciət edib.
Ağaddinin narkotik saxlamaq ittihamı ilə həbs edildiyini, guya üzərindən 9 qram heroin tapıldığını müəyyən etmək mümkün olub. O, DİN-in Mütəşəkkil Cinayətkarlığa qarşı Mübarizə baş İdarəsində saxlanılır.
“Onu orada saxlamağa haqları yoxdur, dərhal istintaq təcridxanasına köçürməli idilər. Mən Rəşadın vəkil tutmasına kömək etdim, onun vəkili Rövşən Şirinovdur. Lakin vəkil mayın 13-dən sonra saxlanılan şəxsin yanına buraxılmır. Görünür, o, işgəncələrə və istehzalara məruz qoyulub. Başına nə isə gələcəyindən və ya artıq gəldiyindən ehtiyat edirəm”, deyə İsmayılov bildirib.
O, ölkə prezidentinə məsələni araşdırmaq və Rəşad Ağaddinə qarşı sərt davranan hər kəsi cəzalandırmaq xahişi ilə müraciət edib.
“Biz indi bu gənc insanın müdafiəsinə qalxmasaq, bir gün özümüz onun yerində olacağıq”, deyə o bildirib. Bu faktlara görə DİN rəhbəri Ramil Usubov istefaya getməlidir, deyə o bildirib.
Aslan İsmayılov bildirib ki, bu mətbuat konfransından sonra onun da başına heç nə gəlməyəcəyindən əmin deyil. “Bilmirəm bu mətbuat konfransından sonra mənə nə olacaq. Rəşad Ağaddin haqqında dediklərim yalandırsa, qoy onunla görüşdürsünlər”, deyə İsmayılov bildirib.
Rəşad Ağaddin facebook sosial şəbəkəsində hakimiyyətin ünvanına kəskin tənqidi ilə məşhurdur. -04С-
-
- Siyasət
- 17 May 2013 17:22
-
- Mədəniyyət
- 17 May 2013 18:08
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz