AŞPA KİV azadlığına və jurnalistlərin təhlükəsizliyinə zəmanət verməyə çağırıb
AŞPA KİV azadlığına və jurnalistlərin təhlükəsizliyinə zəmanət verməyə çağırıb
Avropa Şurası Parlament Assambleyasının qış sessiyasında "Təşkilata üzv ölkələrdə jurnalistlərin azadlığına və təhlükəsizliyinə zəmanətlər" adlı 2532 saylı qətnamə qəbul edilib.
Bəzi ölkələrdə dövlət orqanları və hakimiyyətdə olan siyasi qüvvələr KİV azadlığı və jurnalistlərin təhlükəsizliyi üçün təhdid mənbəyidir, Avropa İnsan Hüquqları Məhkəməsinin qərarları yerinə yetirilmir, jurnalistlərə qarşı qətl, hüquqi təqib və böhtan kampaniyaları, KİV-lərin ələ keçirilməsi də daxil olmaqla, kriminal hərəkətlər törədilir.
Təkcə 2023-cü ilin noyabr ayında Avropada 68 jurnalist və KİV işçisi saxlanılıb, deyə sənəddə bildirilir.
AŞPA KİV azadlığına bu çoxsaylı hücumlar və çox sayda cəzasızlıq faktları ilə bağlı ciddi narahatlığını ifadə edir.
AŞ üzvü olan ölkələr jurnalistlərin səmərəli müdafiəsini və KİV-in müstəqilliyi və plüralizmi üçün təhlükəsiz mühiti təmin etməlidirlər.
AŞPA üzv dövlətləri jurnalistlərin və media subyektlərinin müdafiəsi və təhlükəsizliyi üzrə milli strategiyalar işləyib hazırlamağa, KİV azadlığını məhdudlaşdıran qanunvericiliyi yenidən nəzərdən keçirməyə çağırır.
Eyni zamanda, KİV-ə siyasi müdaxilənin və mülkiyyətin təmərküzləşdirilməsinin qarşısını alan qanunvericilik və normativ baza təkmilləşdirilməli,
ictimai KİV-lər dəstəklənməli, onların həyat qabiliyyəti və redaksiya müstəqilliyi təmin edilməli,
özəl KİV-lərin ədalətli maliyyələşdirilməsi təmin edilməli, özəl KİV-lərə dövlət dəstəyi isə plüralizmin və keyfiyyətli məlumata çıxışın möhkəmləndirilməsinə yönəldilməlidir.
Assambleya Azərbaycanda jurnalistlərin təqibi səviyyəsinin yüksək olmasından, Macarıstanda, Polşa və Serbiyada İV-lərin ələ keçirilməsi hallarının artmasından, habelə Türkiyədə saxlanılan jurnalistlərin sayından narahatdır. Assambleya bu ölkələri Avropa Şurasının jurnalistlərin təhlükəsizliyinə yönəlmiş kampaniyasında iştirak etməyə və onun çərçivəsində bu problemlərin həlli üçün adekvat tədbirlər görməyə çağırır, deyə sənəddə qeyd edilir.
Siyasət
-
Azərbaycan prezidenti İlham Əliyev İranın şimalında İran prezidenti İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında faciəli surətdə həlak olması ilə əlaqədar İranın ali dini lideri Əli Xameneiyə başsağlığı verib.
-
Ayətullah Seyid İbrahim Rəisi və İran İslam Respublikasının 8-ci Prezidenti –bazar günü, mayın 19-u axşamüstü Qız Qalası bəndinin açılış mərasimindən Təbriz şəhərinə qayıdarkən Şərqi Azərbaycan əyalətinin Vərziqan bölgəsində hava qəzası keçirib– onu müşayən edən nümayəndə heyəti ilə birlikdə yüksək şəhidlik məqamına nail olmuşdur.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
Rəy yaz