![AŞPA-nın seçkiqabağı missiyası görüşlər keçirir](https://turan.az/resized/./turan-750-500-resize.webp)
AŞPA-nın seçkiqabağı missiyası görüşlər keçirir
İspaniyalı deputat Yordi Huqlın başçılıq etdiyi AŞPA-nın seçkiqabağı missiyası bu gün Azərbaycan parlamentində təmsil edilmiş siyasi partiyaların nümayəndələri ilə görüşüb.
Görüşün iştirakçısı “Böyük Quruluş” Partiyasının rəhbəri Fazil Mustafanın Turan-a verdiyi məlumata görə, qonaqlar noyabrın 1-də Milli Məclisə keçiriləcək seçkilər üzrə seçki kampaniyasının gedişatı ilə maraqlanıblar.
Siyasi Partiyaların nümayəndələri AŞPA və ATƏT DTİHB müşahidəçiləri tərəfindən seçkilərin monitorinqinin keçirilməsi zərurətini qeyd ediblər. Onların fikrincə, bu, seçkiləri qiymətləndirmək imkanı verəcək.
Həmçinin sentyabrın 10-da Avropa Parlamentinin qəbul etdiyi tənqidi qətnamədən sonra Avropa və Azərbaycan arasında gərginliyin aradan qaldırılması zərurəti vurğulanıb.
Seçkilərlə bağlı hər-hansı şikayətlər ifadə edilməyib, belə ki, hələlik deputatlığa namizədlərin irəli sürülməsi prosesi gedir, deyə Mustafa qeyd edib.
AŞPA deputatları müxalif Müsavat Partiyasının rəhbəri Arif Hacılı ilə ayrıca görüş keçiriblər. Hacılının Turan-ın müxbirinə verdiyi məlumata görə, o, qonaqlara siyasi məhbuslar problemi, demokratik seçkiqabağı mühitin olmaması, seçki qanunvericiliyindəki nöqsanlar, seçki kampaniyası zamanı seçkiqabağı mübarizə üçün bərabər şərtlərin olmamasın haqqında danışıb.
O, AŞPA-nı Azərbaycanda seçkilər və demokratiya proseslərinə diqqəti artırmağa çağırıb.
AŞPA nümayəndə heyəti bu gün Azərbaycan MSK rəhbərliyi ilə də görüşüb. -05C-
-
- Cəmiyyət
- 21 Sentyabr 2015 19:00
-
- İqtisadiyyat
- 22 Sentyabr 2015 01:21
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz