AŞPA rəhbəri Ann Brasser Azərbaycana gələcək

Avropa Şurası Parlament Assambleyasının (AŞPA) prezidenti   Ann Brassor  sentyabrın 22-23-də Azərbaycanda rəsmi səfərdə olacaq.

Səfərin proqramı hələlik açıqlanmayıb. Lakin güman olunur ki, Brasser rəsmi Bakı nümayəndələri və vətəndaş cəmiyyətinin təmsilçiləri ilə görüşəcək.

Mayda  Brassor Daimi Komitə və assambleya Bürosunun iclasında iştirak etmək üçün gəlmişdi.

O zaman  REAL hərəkatının həbsdə olan lideri İlqar Məmmədovla  görüşmək istəsə də bu  görüş baş tutmamışdı. O bildirmişdi ki, “gələn səfərə qədər İ.Məmmədov azad edilməsə onunla görüşməyə çalışacaq”.

O vaxtdan Azərbaycanda insan hüquqlarının vəziyyəti daha da pisləşib və vətəndaş cəmiyyətinin bir çox fəalı  həbs olunub. Bütün bunlar Azərbaycanın AŞ Nazirlər Komitəsində sədrliyi dövründə baş verib.

Hələlik AŞ Azərbaycanda insan hüquqlarının yaxşılaşmasına tam təsir göstərmək iqtidarında olmadığını nümayiş etdirir. Bundan əlavə, bəzən  AŞPA nümayəndələri Azərbaycan hakimiyyətinin lobbiçiləri rolunda çıxış edirlər.16D06-