AŞPA Venesiya Komissiyasını Azərbaycan Konstitusiyasına düzəlişlərə qiymət verməyə çağırıb
AŞPA Bürosu bazar ertəsi Parisdə keçirilən iclasda 26 sentyabr referendumuna çıxarılmış Azərbaycan Konstitusiyasına düzəlişlərə qiymət verməsi üçün Venesiya Komissiyasına müraciət etməyi qərara alıb.
Venesiya Komissiyasının düzəlişlərin beynəlxalq normalara uyğunluğunu məhz nə zaman qiymətləndirəcəyi məlum deyil. Amma AŞPA-dan Turan-a verilən məlumata görə, Strasburqda bu məsələ üzrə vəziyyətin qiymətləndirilməsi üçün əsas siyasi qrupların nümayəndələrinin və AŞPA məruzəçilərinin iştirakı ilə komissiya yaradılacaq.
Xatırladaq ki, Azərbaycan hakimiyyəti səbəb izah etmədə, düzəlişlər layihəsini qiymətləndirilməsi üçün Venesiya Komissiyasına verməkdən imtina edib. Amma referendumu müşahidə etmək üçün AŞPA missiyasını dəvət edib.
Yerli və beynəlxalq demokratik ictimaiyyət bu düzəlişləri mürtəce və ölkədə neomonarxiya rejimi formalaşdıran düzəlişlər kimi qiymətləndirib.
Bundan başqa, düzəlişlər ictimai debatlar keçirilmədən təqdim edilib və təklif olunan dəyişikliklər ölkə Konstitusiyasının özünə ziddir.
Belə ki, düzəlişlər dövlət başçısına növbədənkənar prezident seçkiləri keçirmək, parlamenti buraxmaq hüququ verilməsini, prezidentliyə namizəd üçün hazırki 35 yaş, parlament üzvlüyünə namizədlər üçün 25 yaş məhdudiyyətinin aradan qaldırılmasını nəzərdə tutur.
Azərbaycanda müşahidəçilər və ekspertlər İlham Əliyevin öz ailə üzvlərindən kimlərisə vitse-prezident təyin etmək, gələcəkdə isə hakimiyyəti öz oğluna ötürmək niyyətində olduğuna şübhə etmir. -02В-
Siyasət
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Rəy yaz