Məhkəmə Natiq Cəfərlini girov müqabilində azadlığa buraxmayıb
Nəsimi rayon məhkəməsi Real Hərəkatının icra katibi
Natiq Cəfərlinin girov müqabilində azadlığa buraxılması barədə verdiyi ərizəni təmin etməyib.
Vəkil Cavad Cavadlının Turan-a verdiyi məlumata görə, məhkəmə ərizəsində Natiq Cəfərlinin həyat yoldaşına məxsus mənzilin girov qoyulması göstərilmişdi.
Vəkil bildirib ki, Natiq Cəfərlinin özü də məhkəmədə iştirak edib.
O, prosesdə məhkəməyə verilən ərizəni müdafiə edərək həbsinin absurd olduğunu, hüquqi əsasları olmadığını və heç bir yerə qaçmayacağını bildirib.
Bütün bunlara baxmayaraq, hakim ərizəni təmin etməyib. Natiq Cəfərlinin həbs qətimkan tədbiri dəyişdirilməyib.
“Biz bu qərardan apellyasiya şikayəti verəcəyik”, deyə vəkil qeyd edib.
Natiq Cəfərli avqustun 12-də saxlanılıb. Nəsimi rayon Məhkəməsinin 13 avqust tarixli qərarı ilə barəsində 4 ay həbs qətimkan tədbiri seçilib.
Baş Prokurorluğun Ağır Cinayətlər üzrə İstintaq İdarəsi ona qarşı Cinayət Məcəlləsinin 192.1 (Qanunsuz sahibkarlıq) və 308.2-ci (Vəzifə səlahiyyətlərindən sui‐istifadə ağır nəticələrə səbəb olduqda) maddələri ilə ittiham irəli sürüb.
Cəfərli ittihamları təkzib edir.
Həbsindən bir müddət əvvəl o, 26 sentyabr referendumuna çıxarılmış düzəlişləri kəskin tənqid edib.
Ölkənin aparıcı ekspertlərindən biri olan Cəfərli hökumətin iqtisadi siyasətini də tənqid edirdi.
REAL Hərəkatı Konstitusiyaya 26 sentyabr referendumuna çıxarılmış düzəlişlərə qarşı fəal təşviqat aparmağı planlaşdırırdı. Əksər müşahidəçilərin fikrincə, onun həbsinə məhz bu səbəb olub.
Dövlət Departamenti, bir çox beynəlxalq QHT-lər Azərbaycan hakimiyyətini Cəfərlini azad etməyə çağırıblar. -06D-
-
- Sual-cavab
- 6 Sentyabr 2016 16:44
Siyasət
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Rəy yaz